(អ៉ីតាលី)៖ យោងតាមសារព័ត៌មាន Skynews ចេញផ្សាយរំលងអាធ្រាត្រចូលថ្ងៃទី២៧​ ខែតុលា ឆ្នាំ២០១៦នេះ បានឲ្យដឹងថា គ្រោះរញ្ជួយដីថ្មីមួយទៀត បានវាយប្រហារនៅចំណុចប្រមាណ៦៦គីឡូម៉ែត្រ ភាគខាងកើតឈៀងខាងត្បូង នៃទីក្រុង Perugia ស្ថិតនៅភាគកណ្តាល នៃប្រទេសអ៉ីតាលី។

គ្រោះរញ្ជួយដីថ្មីមួយទៀតនេះមានកម្រិត៥.៦រិចទ័រ ហើយភាពញ័រ បញ្ជូនដល់អគារធំៗនៅទីក្រុង​ Rome តែម្តង។ ភ្លាមៗមិនទាន់មាន របាយការណ៍អំពីចំនួនអ្នកស្លាប់, រងបួស និងទ្រព្យសម្បត្តិខូចខាតនៅឡើយនោះទេ។

សូមជំរាបថា កាលពីខែសីហា កន្លងទៅនេះ គ្រោះរញ្ជួយដីកម្រិត ៦,២ រ៉ិចទ័រ វាយប្រហារប្រទេសអ៉ីតាលី ២៦៧នាក់ និងរបួសជាង៤០០នាក់៕