(ភ្នំពេញ)៖ ប្រធានបទវាយប្រហារគ្នាយ៉ាងក្តៅគគុកពេញបណ្តាញសង្គម Facebook រវាងមន្រ្តីគណបក្សសង្គ្រោះជាតិ​ និងសកម្មជនគណបក្សសង្គ្រោះជាតិ ទាំងនៅក្នុងប្រទេស និងក្រៅប្រទេស នៅតែបន្តរស់រវើកគិតត្រឹមព្រលប់ថ្ងៃទី២៦ ខែតុលា ឆ្នាំ២០១៦នេះ ក្រោយពីកញ្ញា កឹម មនោវិទ្យា ដែលជាមន្រ្តីជាន់ខ្ពស់មួយរូប និងជាអនុប្រធានផ្នែកកិច្ចការសាធារណៈ របស់គណបក្សសង្គ្រោះជាតិ រិះគន់ចំៗនិងធ្ងន់ៗចំពោះមេដឹកនាំកំពូលគណបក្សប្រឆាំងគឺ លោក សម រង្ស៊ី។

បន្ទាប់ពីកញ្ញា កឹម មនោវិទ្យា ដែលជានិស្សិតបញ្ចប់ការសិក្សាជាន់ខ្ពស់ពីបរទេស បានធ្វើការរិះគន់ចំពោះទង្វើមេបក្សរបស់ខ្លួន នាពេលប៉ុន្មានថ្ងៃមកនេះ, ដោយ នៅរសៀលថ្ងៃទី២៥ ខែតុលានេះលោក កឹម សុខា ជាប្រមុខដឹកនាំស្តីទីគណបក្សសង្គ្រោះជាតិ ដែលជាឪពុករបស់នាង បានបង្ហាញសារបន្ទរតាម កូនស្រីជាមួយខ្លឹមសារថា យើងត្រូវតែធ្វើ! យើង​ត្រូវតែហ៊ានប្រឈម! យើងមិនត្រូវគេចវេះ ឬខ្លាចរអាឡើយ ទីបំផុតគេនឹងទទួលស្គាល់ និងឲ្យតម្លៃយើង ថាយើងបានធ្វើនោះត្រឹមត្រូវ។

លោក​ កឹម សុខា បានសរសរនៅលើ Facebook ផ្លូវការរបស់លោកយ៉ាងដូច្នេះថា «តើបងប្អូនដឹងទេថា កាលពីថ្ងៃទី២៦ ខែតុលា ឆ្នាំ២០១៥ មានអ្វីកើតឡើង? ជាធម្មតា យើងធ្វើដំណើរកាត់ភ្លៀងតែងតែទទឹកហើយ ក៏ប៉ុន្ដែ​បើពេលវេលាចាំបាច់តម្រូវឲ្យយើងទៅឲ្យដល់គោលដៅនោះ ​​យើងត្រូវតែធ្វើ! យើង​ត្រូវតែហ៊ានប្រឈម! យើងមិនត្រូវគេចវេះ ឬខ្លាចរអាឡើយ (No Risk No Change)។ សំខាន់យើងត្រូវស្គាល់ខ្លួនយើង ជឿជាក់លើខ្លួនយើង ថាយើងត្រូវធ្វើដំណើរទៅណា? ដើម្បី​អ្វី? ទីបំផុតគេនឹងទទួលស្គាល់ និងឲ្យតម្លៃយើង ថាយើងបានធ្វើនោះត្រឹមត្រូវ ដែលជាផលប្រយោជន៍រួមសម្រាប់ប្រទេសជាតិ និងប្រជាពលរដ្ឋខ្មែរមែន»។

ជាមួយបញ្ហារិះគន់នេះ ចៅសង្កាត់រងមួយរូប កូតាគណបក្ស​លោក សម រង្ស៊ី ដោយខឹងនឹងទង្វើកូនស្រីលោក កឹម សុខា ទប់ចិត្តមិនបាន បង្ហាញវិដេអូចេញមុខព្រលះកញ្ញា កឹម មនោវិទ្យា​ យ៉ាងចាស់ដៃដូចខាងក្រោម៖