(ភ្នំពេញ)៖ បន្ទាប់ពីការបើកយុទ្ធនាការ ជាមួយនឹងសារអភិរក្សវប្បធម៌ខ្មែរ របស់ KFC Always Original កន្លងមកនេះ បានស្វែងរកឃើញ អ្នកដែលមានស្នាដៃឆ្នើម​ជយលាភីលេខ១ហើយ គឺយុវជន ហ៊ត់ ថុនា ដែលលើកយកវីដេអូក្រោមចំណងជើងថា «ខ្ញុំស្រឡាញ់ភាសាខ្មែរ»។  

យុវជន ហ៊ត់ ថុនា នេះ​បានលើកឡើងថា មូលហេតុដែលលើកយក​នូវប្រធានបទនេះ ព្រោះចង់ឲ្យកូនខ្មែរយើង ចេះអភិរក្សអក្សរខ្មែរ​ ដោយយុវជនបច្ចុប្បន្ននេះ ភាគច្រើន គឺតែងតែប្រើភាសារផ្សេងៗ ពិសេសនោះ ដោយប្រើតួអក្សរអង់គ្លេស​កត់សូរខ្មែរ សម្រាប់ទំនាក់ ទំនងគ្នា ទាំងតាមរយៈសារទូរស័ព្ទ និងតាមសង្គមទំនាក់ទំនង សង្គមផ្សេងៗ ដូចជា Facebook Line តែម្ដង ហើយការធ្វើដូចនេះ អក្សរខ្មែរយើង នឹងមិនអាចរក្សាភាសារ​ជាតិឲ្យបានគង់វង្ស សម្រាប់មនុស្សជំនាន់ក្រោយ បានឡើយ នោះអត្ដសញ្ញាណខ្មែរ ក៏ត្រូវបាត់បង់ផងដែរ។

លោក Y.B cheah នាយកគ្រប់គ្រងទូទៅ​របស់ KFC ខេមបូឌា​ បានថ្លែង​ថា សម្រាប់កម្មវិធីនេះ គណៈវិនិច្ឆ័យដែលមានសមាសភាព ពី KFC និងក្រុមហ៊ុន Hybrid Advertising តម្រូវឲ្យបេក្ខជនទាំងអស់ បង្ហាញពីប្រធានទាក់ទង ទៅនឹងមរតកដើមរបស់កម្ពុជានិងជានិមិត្ដ រូបដ៏មានតម្លៃ តំណាងឲ្យជំនឿចិត្ដ​របស់ KFC ដែលតែងតែបង្ហាញ ពីភាពពិតនិងលើកទឹកចិត្ដ ក៏ដូចជាតម្លៃមនុស្សយើងម្នាក់ៗ ព្រមទាំង ទទួលស្គាល់អំពី​ ជំនាញផ្សេងៗគ្នារបស់មនុស្សយើងម្នាក់​ ទៀតផង ។ ជាក់ស្ដែង យុវជន ហ៊ត់ ថុនា មានស្នាដៃល្អជាងគេ ក្នុងចំណោមស្នា ដៃអ្នក​ ដែលចូលប្រកួតវីដេអូទាំង៤០នាក់នោះ ល្អទាំងប្រធានបទ និងការសម្ដែង ដែលបញ្ជាក់ឲ្យឃើញពីការស្រឡាញ់ អភិរក្សអត្ដសញ្ញា របស់ជាតិ។

លោក បន្ដថា សម្រាប់បេក្ខជនយើងជ្រើស​រើសមកនេះ គឺមានចំនួនប្រាំនាក់ ដោយអ្នកដែលទទួល​ជយលាភីលេខ១ ទទួលបាន Iphone 7 មួយគ្រឿង និង៤ទៀតទទួលបាន Iphone 6s Plus ។ លើសពីនេះគឺ ក៏មានកម្មវិធីកម្សាន្ដជាច្រើន ការប្រគុំតន្ដ្រី ដែលចូលរួមដោយតារា ល្បីៗ របស់តារាចម្រៀង ក្មេងខ្មែរ ,ហ្គេមបង្វិលកង យក​រង្វាន់ និងមានចាប់ឆ្នោតយក​កាដូពិសេស គឺ «ពិសាអាហារ KFC ពេញមួយឆ្នាំ ដោយឥតគិតថ្លៃ» ចំនួនប្រាំរង្វាន់។

គួរបញ្ជាក់ថា ព្រឹត្ដិការណ៍ដ៏អស្ចារ្យ នៃយុទ្ធនាការជាមួយនឹងសារអភិរក្ស​វប្បធម៌ខ្មែរ របស់ KFC Always Original ដែលប្រារព្ធធ្វើនៅផ្សារ​ទំនើបAeon mall នៅថ្ងៃទី២៣ ខែតុលា មានអ្នកចូលរួមទស្សនា រាប់ពាន់នាក់ឯណោះ ពិតជាសប្បាយរីករាយ ជាមួយនឹងហ៊ោកញ្ជៀវ រួមគ្នានេះ៕