(ភ្នំពេញ)៖ លោកឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានសំណេះសំណាលជាមួយកម្លាំងកងប្រតិបត្តិការរុករក និងសង្គ្រោះមហន្តរាយ៧១១ កងពលតុចលេខ៧០ នៃបញ្ជាការដ្ឋានកងទ័ពជើងគោក ដើម្បីត្រៀមប្រកាសបើកយុទ្ធនាការបាញ់ថ្នាំសម្លាប់មូស ក្នុងភូមិសាស្ត្រសង្កាត់ទាំង៨ ក្រុងស្ទឹងសែន ខេត្តកំពង់ធំ។
សូមបញ្ជាក់ថា ក្រោយពីទទួលបានប្រសាសន៍ណែនាំរបស់នាយឧត្តមសេនីយ៍ ម៉ៅ សុផាន់ អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក នៅរសៀលថ្ងៃទី០៦ ខែកុម្ភៈ ឆ្នាំ២០២៥នេះ កងប្រតិបត្តិការរុករក និងសង្គ្រោះគ្រោះមហន្តរាយ៧១១ កងពលតូចលេខ៧០ នៃបញ្ជាការដ្ឋានកងទ័ពជើងគោក បានមកដល់ទីបញ្ជាការតំបន់ប្រតិបត្តិការសឹករងកំពង់ធំ ដើម្បីរៀបចំដំណើរការបាញ់ថ្នាំសម្លាប់មូស ក្នុងភូមិសាស្ត្រសង្កាត់ទាំង៨ ក្រុងស្ទឹងសែន ខេត្តកំពង់ធំ ចាប់ពីព្រលប់ថ្ងៃទី០៦ ខែកុម្ភៈ ឆ្នាំ២០២៥ នេះតទៅ៕
