(ភ្នំពេញ)៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រទានព្រះរាជសាររំលែកទុក្ខ ជូន ឯកឧត្តម តាន់ ហ្សង់ ហ្វ្រង់ស័រ រដ្ឋមន្ត្រីប្រតិភូអមនាយករដ្ឋមន្ត្រី ចំពោះមរណភាពម្តាយក្មេក។
ព្រះរាជសារ បានបញ្ជាក់ថា «ខ្ញុំបានទទួលដំណឹងដ៏ក្រៀមក្រំ អំពីលោកជំទាវ គីម អ៊ុស្សាបែល ដែលត្រូវជាម្តាយក្មេក របស់ ឯកឧត្តម បានទទួលមរណភាព នាថ្ងៃទី០៣ ខែកុម្ភៈ ឆ្នាំ២០២៥ វេលាម៉ោង ០៥:០០នាទីព្រឹក (ម៉ោងនៅសាធារណរដ្ឋបារាំង) ក្នុងជន្មាយុ ៩០ឆ្នាំ ដោយជរាពាធ នៅសាធារណរដ្ឋបារាំង» ។
ខ្ញុំសូមចូលរួមរំលែកមរណទុក្ខដ៏ក្រៀមក្រំ និងសូមសម្តែងនូវសេចក្តីសោកស្តាយជាពន់ពេក ជាមួយ ឯកឧត្តម និងក្រុមគ្រួសារ ព្រមទាំងញាតិមិត្តទាំងអស់នៃសព ។ ការទទួលមរណភាពនៃ លោកជំទាវ គឹម អ៊ុស្សាបែល គឺជាការបាត់បង់ម្តាយក្មេក ម្តាយបង្កើត ជីដូន ដែលប្រកបដោយ ព្រហ្មវិហារធម៌ សង្គហធម៌ ជាទីគោរពស្រឡាញ់បំផុតនៃកូនចៅ និងមហាជនទាំងពួង ។
សូមវិញ្ញាណក្ខន្ធ លោកជំទាវ គីម អ៊ុស្សាបែល អញ្ជើញទៅកាន់សុគតិភព កុំបីខាន ៕
