(ភ្នំពេញ)៖ លោក នុត ពុធដារ៉ា អភិបាលខណ្ឌដង្កោ និងអភិបាលរង រួមនឹង មន្ត្រីរាជការខណ្ឌ សង្កាត់ ភូមិ បានចុះសួរសុខទុក្ខ និងនាំយកអំណោយ ទៅចែកជូនប្រជាពលរដ្ឋ ដែលរងគ្រោះ ដោយសារ ជំនន់ ទឹក ភ្លៀង សរុប១២៨គ្រួសារ ដោយក្នុងនោះ ចែកជូន នៅសង្កាត់រលួស ចំនួន ១០៣គ្រួសារ និង សហភាពសហពន្ធយុវជនកម្ពុជាខណ្ឌដង្កោ បាននាំយកអំណោយទៅចែកជូននៅ សង្កាត់ ព្រែកកំពឹស ចំនួន២៥គ្រួសារ នៅថ្ងៃទី២១ ខែតុលា ឆ្នាំ២០១៦។
ក្នុងឱកាសនោះ លោកអភិបាលខណ្ឌ បាននាំយកពាក្យសួរសុខទុក្ខពីសំណាក់សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ដែលជានិច្ចកាលសម្តេចទាំងពីរតែងយកចិត្តទុកដាក់ និងគិតគូរពី សុខ ទុក្ខ និងការលំបាកនានា របស់បងប្អូនប្រជាពលរដ្ឋទាំងអស់ នៅតាមមូលដ្ឋាន និងតែងបានណែនាំអោយអជ្ញាធរគ្រប់លំដាប់ថ្នាក់យកចិត្តទុកដាក់ដល់បងប្អូនប្រជាពលរដ្ឋទាំងអស់ ជាពិសេសបងប្អូន ដែល ជួបការលំបាក គ្រោះមហន្តរាយ គ្រោះធម្មជាតិ នានា។
លោកអភិបាលខណ្ឌ ក៏បានលើកឡើងអំពីការយកចិត្តទុកដាក់របស់លោក ប៉ា សុជាតិវង្ស អភិបាលរាជធានីភ្នំពេញ ចំពោះបងប្អូនដែលទទួលរងគ្រោះដោយសារទឹកជំនន់ដែលហូរធ្លាក់តាមបណ្តោយ ទំនប់សណ្តស្ទឹងព្រែកត្នោតនេះ។
ជាមួយគ្នានេះ លោកអភិបាល ក៏បានផ្តាំផ្ញើដល់បងប្អូនទាំងអស់អោយប្រុងប្រយត្ន ក្នុងរដូវនេះ ជាពិសេសក្មេងៗតូចៗ កុំអោយលេងទឹក ដែលបង្កគ្រោះថ្នាក់ និងត្រូវមាន អនាម័យ ការរស់នៅ ហូបស្អាត ផឹកស្អាត និងការពារពីការយាយី របស់សត្វអាសិរពិសនានា ។
ជាមួយគ្នា លោក នុត ពុធដារ៉ា ក៏បានផ្តាំផ្ញើដល់បងប្អូនទាំងអស់អោយប្រុងប្រយត្ន ក្នុងរដូវនេះ ជាពិសេសក្មេងៗតូចៗ កុំអោយលេងទឹក ដែលបង្កគ្រោះថ្នាក់ និងត្រូវមានអនាម័យការរស់នៅ ហូបស្អាត ផឹក ស្អាត និងការពារពីការយាយីរបស់សត្វអាសិរពិសនានា។ បន្ទាប់មក លោកអភិបាលបានដឹកនាំមន្ត្រីរាជការ ទៅទទួលទេយ្យវត្ថុពីព្រះគ្រូគន្ធធុតង្គ សឿ ហេង ព្រះគ្រូចៅអធិការវត្តធុតង្គចំការនៅបរិវេណ វត្ត ធុតង្គចំការដូង ស្ថិតក្នុងភូមិខ្វា សង្កាត់ដង្កោ។ ទេយ្យវត្ថុដែលបានទទួលរួមមានៈ អង្ករ ១២៥០គីឡូក្រាម មី ៨០កេស ទឹកត្រី ២៨យួរ ទឹកស៊ីអ៊ីវ ៤០យួរ និងថវិកា ១លានរៀល ដើម្បីបន្តចែកដល់បងប្អូនយើងទៀត។
ក្នុងនាមរដ្ឋបាលខណ្ឌ លោកអភិបាល បានថ្លែងអំណរព្រះគុណ និងអរគុណចំពោះព្រះទ័យយកចិត្តទុកដាក់ និងទឹកចិត្តសប្បុរសធម៌ របស់ព្រះសង្ឃ និងសប្បុរសជនទាំងអស់ដែល បាន ជួបឧបត្ថម្ភ ជាគ្រឿងឧបភោគ បរិភោគ សម្ភារៈ ថវិកា ដល់រដ្ឋបាលខណ្ឌដើម្បីយកទៅចែកជូនដល់ផ្ទាល់ដៃបងប្អូនប្រជាពលរដ្ឋដែលរងគ្រោះដោយសារជំនន់ទឹកភ្លៀង តាមបណ្តាសង្កាត់ដែលជាប់នឹង សណ្ត ស្ទឹងព្រែកត្នោតផងដែរ៕
