(កំពត-តាកែវ)៖ បណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុក ជាអគ្គនាយក ធនាគារអភិវឌ្ឍន៍ជនបទ និងកសិកម្ម (ARDB) ព្រមទាំងសហការី នៅរសៀល ថ្ងៃទី២ ខែកុម្ភៈឆ្នាំ២០២៥ បានបន្តអញ្ជើញចុះសួរសុខទុក្ខ និងពិនិត្យការដាំដាំដុះបន្លែសាលាដ ត្រប់ ប៉េងប៉ោះ ស្ពៃក្រញ៉ាញ់ ត្រសក់ និងសណ្តែកគួរជាដើម របស់បងប្អូនប្រជាកសិករចំនួន ១០គ្រួសារ ដែលជាបណ្តុំអ្នកផលិតបន្លែ នៅស្រុកបន្ទាយមាស ខេត្តកំពត។
ជាមួយគ្នានេះដែរលោកបណ្ឌិត បានលើកទឹកចិត្ត និងជំរុញដល់បងប្អូនប្រជាកសិករ ឲ្យរៀបចំផែនការដាំដុះឲ្យបានច្បាស់លាស់ និងខិតខំអនុវត្តតាមបច្ចេកទេសដាំណាំ ដើម្បីផ្គត់ផ្គង់ជូនប្រជាកសិករ ដែលជាអ្នកហូបដែលមានតម្រូវការបន្លែល្អ និងមានសុវត្ថិភាពចំពោះសុខភាព ក្នុងតំបន់ និងផ្គត់ផ្គង់ទីផ្សារឲ្យបានទៀងទាត់។
បន្ទាប់មកទៀត នៅរសៀលថ្ងៃដដែលនោះ បណ្ឌិត កៅ ថាច និងសហការី បានបន្តអញ្ជើញចុះសួរសុខទុក្ខ និងត្រួតពិនិត្យការប្រើប្រាស់ឥណទានរបស់លោក សាប់ សារុន ម្ចាស់កសិដ្ឋានចិញ្ចឹមបង្កង និងមានស្រះចិញ្ចឹមចំនួន ២០ស្រះ។
បច្ចុប្បន្នកសិដ្ឋានរបស់លោក សារុន អាចដាក់កូនបង្កងចិញ្ចឹមបានចំនួន ៣៨០ ០០០កូន លើផ្ទៃដី ១០ហិកតា ដែលមានមូលដាន នៅភូមិព្រៃដកពរ ឃុំសំបួរ ស្រុកទាំង ខេត្តតាកែវ៕
