(ភ្នំពេញ)៖ គណៈកម្មាធិការកណ្ដាលគណបក្សប្រជាជនកម្ពុជា បានចេញលិខិតគោរពជូនប្រធានគណៈកម្មាធិការគណបក្សក្រសួង-ស្ថាប័ន ជាមួយនឹងកម្មវត្ថុណែនាំឱ្យបង្កើតក្រុមការងារទំនាក់ទំនងថ្មីតាមកម្មវិធី CoolApp សម្រាប់គណៈកម្មាធិការគណបក្សក្រសួង-ស្ថាប័ននីមួយៗ ជំនួសឱ្យការប្រើប្រាស់កម្មវិធី Telegram។

សូមជម្រាបថា នៅក្នុងមហាសន្និបាតគណៈកម្មាធិការកណ្ដាលគណបក្សប្រជាជនកម្ពុជា លើកទី៤៥ អាណត្តិទី៥ កន្លងទៅ សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា ក៏បានកោតសរសើរចំពោះការប្រើប្រាស់ CoolApp និងថែមទាំងបានណែនាំដល់ស្ថាប័នចំណុះគណបក្ស សមាជិកគណបក្សទាំងអស់ សូមងាកមកប្រើប្រាស់កម្មវិធីទំនាក់ទំនង CoolApp នេះវិញ ដែលជាស្នាដៃបង្កើតដោយកូនខ្មែរ៕