(ព្រះសីហនុ)៖ នៅ​ព្រឹកថ្ងៃទី២១ខែតុលា ឆ្នាំ២០១៦​នេះ លោក​ឧត្តមសេនីយ៍​ទោ ជួន ណា​រិន្ទ ស្នងការ​នគរបាលខេត្ត​ព្រះសីហនុ បានកោះហៅបងប្អូនតំណាងអាជីវករ ម្ចាស់ផ្ទះសំណាក់ ភោជនីយដ្ឋាន និងរង្គសាល ដែលពាក់ព័ន្ធលើសេវាកម្មទេសចរណ៍ ជាង១០០នាក់ មកចូលរួមប្រជុំស្តាប់ការ​ផ្សព្វផ្សាយ​ ​វិធានការបង្ការទប់ស្កាត់ អំពើជួញដូរមនុស្ស និងអំពើធ្វើ​អាជីវកម្មផ្លូវ​ភេទលើស្ត្រី និងកុមារ និង​បទល្មើសគ្រឿងញៀន។

ក្នុងនោះដែរ លោកឧត្តម​សេនីយ៍ទោ ស្នងការ​នគរបាលខេត្ត បានរំលឹក​ដាស់តឿន ឲ្យបងប្អូនអាជីវករទាំងអស់ ចូលរួមគោរពច្បាប់នានា របស់រដ្ឋ សហការជាមួយសមត្ថកិច្ច ថែរក្សាសន្តិសុខ ​សណ្តាប់ធ្នាប់សង្គម ទាំងបរិស្ថាន អនាម័យ សណ្តាប់ធ្នាប់​ មប្រើសេវាកម្មទេសចរណ៍ ឲ្យបានល្អ ដើម្បីទាក់ទាញភ្ញៀវទេសចរ​ មកកម្សាន្ដនៅខេត្តព្រះសីហនុ ​ឲ្យបានកាន់តែច្រើនឡើង៕