(ភ្នំពេញ)៖ នាព្រឹកថ្ងៃទី២៤ ខែមករា ឆ្នាំ២០២៥ លោក អូន វុទ្ធី អនុប្រធាន​ក្រុម​ការងារ តំណាងលោក ឡាវ វ៉ាន់ ប្រធានក្រុមការងារគ្រប់គ្រង​និស្សិត​អាហារូបករណ៍ អ.ម.ត ក្រុមទី២ បានដឹកនាំក្រុមការងារ ជួបសម្តែងការគួរ​សមជាមួយលោកបណ្ឌិត ប៊ុន ភារិន នាយកវិទ្យាស្ថានជាតិពហុ​បច្ចេកទេស​កម្ពុជា ក្នុងឱកាសពិធីបុណ្យចូលឆ្នាំថ្មី ប្រពៃណីជនជាតិចិន ដែលនឹងឈាន​មកដល់នាពេលខាងមុខនេះ។

ក្នុងឱកាសនៃជំនួបនោះ លោក អូន វុទ្ធី បាននាំការផ្តាំផ្ញើសាកសួរសុខ​ទុក្ខពី​សំណាក់លោក ឡាវ វ៉ាន់ ប្រធានក្រុមការងារ និងថ្លែងអំណរគុណដល់លោក​បណ្ឌិតនាយក ព្រមទាំងគណៈគ្រប់គ្រងសាស្ត្រាចារ្យ នៃវិទ្យាស្ថានជាតិ​ពហុ​បច្ចេក​ទេសកម្ពុជា ដែលបានយកចិត្តទុក្ខដាក់បណ្តុះបណ្តាលនិស្សិត​អាហា​រូបករណ៍ អ.ម.ត ព្រមទាំងផ្តល់កិច្ចសហការយ៉ាងល្អជាមួយក្រុមការ​ងារគ្រប់​គ្រងនិស្សិត អ.ម.ត ក្រុមទី២៕