(ភ្នំពេញ)៖ កម្មកររោងចក្រកាត់ដេរសំលៀកបំពាក់ «Orient Spring» ប្រមាណ ២៨៤នាក់ កំពុងធ្វើកូដកម្មនៅមុខរោងចក្រ ដើម្បទាមទារឲ្យថៅកែរោងចក្រជនជាតិចិន ដោះស្រាយបញ្ហាចំនួន២ចំណុច រួមមាន ការប្តូរកិច្ចសន្យា និងបញ្ឈប់កម្មករគ្មានមូលហេតុ។

គិតរហូតមកដល់ពេលនេះ កូដកម្មខាងលើ នៅមិនទាន់មានដំណោះស្រាយ នៅឡើយទេ។ កូដកម្មនេះ​ ដឹកនាំដោយសហព័ន្ធសហជីព សេរីភាពកម្មករខ្មែរ។

កូដកម្មរបស់កម្មករជិត៣០០នាក់នេះ បានធ្វើឡើង នៅព្រឹកថ្ងៃទី២១ ខែតុលា ឆ្នាំ២០១៦ នៅមុខរោងចក្រកាត់ដេរសំលៀកបំពាក់ «អូរៀនស្ត្រីង» ស្ថិតនៅ នៅផ្លូវវេងស្រេង ក្រុម៣ ភូមិដំណាក់ធំ ៣សង្កាត់ស្ទឹងមានជ័យ ខណ្ឌមានជ័យ រាជធានីភំ្នពេញ៕