(ភ្នំពេញ)៖ ថ្លែងក្នុងពិធីបិតសន្និបាតបូកសរុបលទ្ធផលការងារប្រចាំឆ្នាំ២០២៤ និងទិសដៅការងារក្នុងឆ្នាំ២០២៥ របស់ក្រសួងកសិកម្ម, លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថាក្រសួងកសិកម្ម បន្តខិតខំបណ្ដុះកូនឈើ ដើម្បីដាំជាចម្ការឈើ និងចែកចាយជូនដល់ប្រជាពលរដ្ឋ ជំនួសឱ្យការប្រើប្រាស់ឈើពីធម្មជាតិ។

បើតាមលោករដ្ឋមន្ត្រី, នៅក្នុងអនុវិស័យព្រៃឈើ ក្រសួងបានកំពុងបន្តខិតខំប្រឹងប្រែងប្រយុទ្ធប្រឆាំង ការទន្រ្ទានកាន់កាប់ដីព្រៃ តាមរយៈការទប់ស្កាប់ បញ្ជូនសំណុំរឿងបទល្មើសទៅតុលាការ និងជម្រុញការចុះបញ្ជីដីរដ្ឋ។

ទន្ទឹមនឹងនេះផងដែរ លោករដ្ឋមន្ត្រី ​បានគូសបញ្ជាក់ថា «ក្រសួងបានខិតខំបន្តបណ្ដុះកូនឈើ ដើម្បីដាំជាចម្ការឈើ និងចែកចាយជូនដល់ប្រជាពលរដ្ឋ ដូចជាជម្រុញការដាំឈើនៅទីធ្លាសាធារណៈ និងទីវាល ដើម្បីបង្កើនគម្របព្រៃឈើ ក្នុងការទទួលបានឈើមកប្រើប្រាស់ ជំនួសលើការពឹងផ្អែកទាំងស្រុងទៅលើឈើធម្មជាតិ»៕