(ភ្នំពេញ)៖ នៅថ្ងៃទី១៧ ខែមករា ឆ្នាំ២០២៥ វេលាម៉ោង១៧៖៣០នាទី កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ សហការជាមួយកម្លាំង អធិការដ្ឋាននគរបាលខណ្ឌដង្កោ, កម្លាំងអធិការដ្ឋាននគរបាល ខណ្ឌពោធិសែនជ័យ និងកម្លាំងអធិការដ្ឋាននគរបាលខណ្ឌកំបូល ស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន៣នាក់ នៅចំណុចបន្ទប់ជួល ផ្លូវបេតុង ភូមិទ្រា២ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ និងចាប់យកម៉ូតូជាមធ្យោបាយធ្វើសកម្មភាព ពាក់ព័ន្ធប្រព្រឹត្តបទល្មើសចំនួន១១ករណីទាំងលួច និងប្លន់។

ប្រតិបត្តិការនេះ បានធ្វើឡើងក្រោមការបញ្ជាផ្ទាល់របស់លោកឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ។

បទល្មើសទាំង១១រួមមាន៖

* ករណីទី១ អំពើលួចមានស្ថានទម្ងន់ទោស (លួចម៉ូតូហើយប្រើអាវុធខ្លីមិនស្គាល់ម៉ាកបាញ់ចំនួន០១គ្រាប់ ត្រូវប្រអប់ជើងខាងឆ្វេងរបស់ជនរងគ្រោះរងរបួស), កាន់កាប់អាវុធ ដោយគ្មានការអនុញ្ញាត ប្រព្រឹត្តនៅចំណុចតូបលក់កាហ្វេច្រកចូលផ្ទះសំណាក់ស្រែលឿង ផ្លូវបេតុង ភូមិព្រៃសកើត សង្កាត់ព្រៃស ខណ្ឌដង្កោ រាជធានីភ្នំពេញ កាលពីថ្ងៃទី០៨ ខែមករា ឆ្នាំ២០២៥ វេលាម៉ោង០៦៖២៥នាទី។

* ករណីទី២ អំពើលួច (លួចម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០២៤ ពាក់ផ្លាកលេខភ្នំពេញ១KO-៩៦៨១) ប្រព្រឹត្តនៅចំណុចមុខកន្លែងលក់ទឹកកក ផ្លូវលេខ១៩៨៤ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីថ្ងៃទី០៣ ខែមករា ឆ្នាំ២០២៥ វេលាម៉ោង១៩៖៤៣នាទី។

* ករណីទី៣ អំពើលួច (លួចម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០២៤ ពាក់ផ្លាកលេខកំពង់ធំ១K-២៩២២) ប្រព្រឹត្តនៅចំណុចផ្លូវលំ ភូមិទ័ពបោះ សង្កាត់ព្រៃវែង ខណ្ឌដង្កោ រាជធានីភ្នំពេញ កាលពីថ្ងៃ២៣ ខែសីហា ឆ្នាំ២០២៤ វេលាម៉ោង១៧៖១០នាទី។

* ករណីទី៤ អំពើលួច (លួចម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២១ ពាក់ផ្លាកលេខភ្នំពេញ១IP-៥៨៩៥ ) ប្រព្រឹត្តនៅចំណុចមុខតូបលក់កាហ្វេ ផ្លូវលំ ភូមិអន្លង់គងចាស់ សង្កាត់ព្រៃស ខណ្ឌដង្កោ រាជធានីភ្នំពេញ កាលពីថ្ងៃទី២៦ ខែសីហា ឆ្នាំ២០២៤ វេលាម៉ោង១១៖០០នាទី។

* ករណីទី៥ អំពើលួច (លួចម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២១៧ មិនចាំផ្លាក លេខ ) ប្រព្រឹត្តនៅចំណុចផ្លូវជាតិលេខ៤ ខណ្ឌកំបូល រាជធានីភ្នំពេញ កាលពីថ្ងៃទីមិនចាំ ខែតុលា ឆ្នាំ២០២៤ វេលាម៉ោងប្រហែល១៥៖៣០នាទី។

* ករណីទី៦ អំពើលួច (លួចម៉ូតូម៉ាកហុងដា ស្កុបពី ពណ៌ ស មិនចាំសេរី និងមិនចាំផ្លាកលេខ) ប្រព្រឹត្តនៅចំណុចផ្លូវវ៉េងស្រេង សង្កាត់ចោមចៅ១ ខណ្ឌពោធិសែនជ័យ រាជធានីភ្នំពេញ កាលពីថ្ងៃមិនចាំ ខែវិច្ឆិកា ឆ្នាំ២០២៤ វេលាម៉ោងប្រហែល១៩៖៣០នាទី ។

* ករណីទី៧ អំពើលួច (លួចម៉ូតូម៉ាកស៊ុយហ៊្សុយគីឡេត ពណ៌ស មិនចាំសេរី និងមិនចាំផ្លាក លេខ) ប្រព្រឹត្តនៅចំណុចផ្លូវបេតុង សង្កាត់សំរោងក្រោម ខណ្ឌពោធិសែនជ័យ រាជធានីភ្នំពេញ កាលពីថ្ងៃមិនចាំ ខែកញ្ញា ឆ្នាំ២០២៤ វេលាម៉ោងប្រហែល ១៨៖៣០នាទី។

* ករណីទី៨ អំពើលួច (លួចម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ២០១៣ មិនចាំផ្លាកលេខ) ប្រព្រឹត្តនៅចំណុចផ្លូវបេតុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ កាលពីថ្ងៃមិនចាំ ខែមីនា ឆ្នាំ២០២៤ វេលាម៉ោងប្រហែល ២១៖៣០នាទី។

* ករណីទី៩ អំពើលួច (លួចម៉ូតូម៉ាកហុងប៊ីត ពណ៌ ស ខៀវ មិនចាំសេរី និងមិនចាំផ្លាកលេខ) ប្រព្រឹត្តនៅចំណុចផ្លូវបេតុង ម្តុំផ្សារព្រៃទា សង្កាត់ចោមចៅ៣ ខណ្ឌពោធិសែនជ័យ រាជធានីភ្នំពេញ កាលពីថ្ងៃ ខែមិនចាំ ឆ្នាំ២០២៤ វេលាម៉ោងប្រហែល ១១៖៣០នាទី។

* ករណីទី១០ អំពើលួច (លួចម៉ូតូម៉ាកហុងប៊ីត ពណ៌ ស ខៀវ មិនចាំសេរីនិង មិនចាំផ្លាកលេខ)ប្រព្រឹត្តនៅចំណុចថ្នល់ទទឹង ផ្លូវជាតិលេខ៣ ស្រុកគងពិសី ខេត្តកំពង់ស្ពឹ កាលពីថ្ងៃ ខែមិនចាំ ឆ្នាំ២០២៤ វេលាម៉ោងប្រហែល ១៤៖៣០នាទី។

* ករណីទី១១ អំពើលួច (លួចម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០១៦ មិនចាំផ្លាក លេខ) ប្រព្រឹត្តនៅចំណុចផ្សារព្រៃផ្តៅ ផ្លូវជាតិលេខ៤ ខណ្ឌកំបូល រាជធានីភ្នំពេញ កាលពីថ្ងៃ ខែមិនចាំ ឆ្នាំ២០២៤ វេលាម៉ោងប្រហែល ១៥៖០០ នាទី ។

ជនសង្ស័យ៖
១៖ ឈ្មោះ ឌួង វិបុល ភេទប្រុស អាយុ៤០ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅបូរីពិភពថ្មី ផ្ទះលេខ១៧ ផ្លូវលេខ២១ ភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
២៖ ឈ្មោះ សុំ បញ្ញា ហៅ សួស បញ្ញា ភេទប្រុស អាយុ៣៧ឆ្នាំ ជនជាតិខ្មែរ មុខរបរ មិនពិតប្រាកដ ផ្ទះជួល ផ្លូវបេតុង សង្កាត់ត្រពាំងក្រសាំង ខណ្ឌពោធិសែនជ័យ រាជធានីភ្នំពេញ ។
៣៖ ឈ្មោះ ហេង ដារ៉ា ហៅ គោ ភេទប្រុស អាយុ ៣៤ ឆ្នាំ ជនជាតិខ្មែរ មុខរបរ រើសអេតចាយ មានទីលំនៅផ្ទះជួល ផ្លូវរថភ្លើង ភូមិតាងួន សង្កាត់កាកាប១ ខណ្ឌពោធិសែនជ័យ រាជធានីភ្នំពេញ។

វត្ថុតាងចាប់យក៖ ម៉ូតូម៉ាកហុងដាPCX ពណ៌ស សេរីឆ្នាំ២០២១ ពាក់ផ្លាកលេខស្វាយរៀង១P-៧៧៥៥ ចំនួន ០១ គ្រឿង, មួកសុវត្ថិភាព ពណ៌ ខ្មៅ ចំនួន ០១, កាបូបស្ពាយម៉ាក, HALMABISON ពណ៌ ខ្មៅ ចំនួន ០១, អាវយឺតដៃវែង ពណ៌ ស្វាយ ចំនួន ០១, ស្រោមដៃ ពណ៌ ខៀវ លាយ ខ្មៅ ចំនួន ០១គូ, ឧបករណ៍សំរាប់ដោះផ្លាកលេខម៉ូតូ មួយចំនួន, និងគ្រាប់សំរាប់កិបផ្លាកលេខម៉ូតូចំនួន០១គូ។

បច្ចុប្បន្នជនសង្ស័យ និងវត្ថតាងចាប់យកខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕