(ភ្នំពេញ)៖ កម្លាំងនគរបាលខណ្ឌពោធិ៍សែនជ័យ កាលពីយប់ថ្ងៃទី៣០ ខែធ្នូ ឆ្នាំ២០២៤ បានចុះបង្ក្រាបក្រុមទំនើង៣នាក់ ដែលបានវាយសន្តិសុខម្នាក់បណ្តាលឲ្យរងរបួសនៅចំណុចមុខក្លឹបមីតណាយ ភូមិត្រពាំងថ្លឹង៣ សង្កាត់ចោមចៅទី១។
យោងតាមរបាយការណ៍របស់ស្នងការដ្ឋាននគរបាលរាជធានីភ្នំពេញ បានបញ្ជាក់ថា ជនសង្ស័យទាំង៣នាក់ រួមមាន៖
*ទី១៖ ឈ្មោះ ឌុន ឌី អាយុ២៥ឆ្នាំ មុខរបរជាងដែក
*ទី២៖ ឈ្មោះ ងន់ សំណាង អាយុ២៤ឆ្នាំ មុខរបរជាងដែក
*ទី៣៖ ឈ្មោះ សុន សុធួន អាយុ២៣ឆ្នាំ មុខរបរជាងដែក។
ដោយជនរងគ្រោះមានឈ្មោះ សាន ស៊ីឌែន អាយុ៣១ឆ្នាំ មុខរបរសន្ដិសុខ បានរបួសបែកក្បាល។ ក្រោយចាប់ខ្លួន កម្លាំងនគរបាលបានដកហូត ដងបាញ់កាវកញ្ចក់, ម៉ូតូ០១គ្រឿងម៉ាក Honda Dream ពណ៌ខ្មៅ ឆ្នាំ២០២២
ស្លាកលេខត្បូងឃ្មុំ 1L-0165។
បើតាមសមត្ថកិច្ច ក្មេងទំនើងទាំង៣នាក់ខាងលើ ធ្លាប់ត្រូវគេវាយក៏ត្រឡប់មលវាយសងសឹកទាំកំរោលតែម្តង៕
