(ខេត្តកំពង់ចាម)៖ នាព្រឹកថ្ងៃចន្ទ ០១កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ៣០ ខែធ្នូ ឆ្នាំ២០២៤ ឧកញ៉ា តែ តាំងប៉ ប្រធាន FASMEC និងជាប្រធានក្រុមប្រឹក្សាភិបាល សមាគមមូលនិធិសម្ដេចតេជោ SME បានអញ្ជើញចូលរួមជាគណធិបតីក្នុងកម្មវិធី សិក្ខាសាលាចាប់ផ្ដើមអនុវត្តន៍គម្រោង គ្រប់គ្រងហានិភ័យទឹកជំនន់ ដែលអនុវត្តដោយថ្នាក់មូលដ្ឋាន ក្រោមអធិបតីភាពដោយ ឯកឧត្តម ប្រាក់ គីមហុង អគ្គលេខាធិការរង នៃអគ្គលេខាធិកាដ្ឋាន គណៈកម្មធិការជាតិគ្រប់គ្រងគ្រោះមហន្តរាយ។
កម្មវិធីនេះមានការអញ្ជេីញចូលរួមពី តំណាងអង្គការ CHF នាយកងរដ្ឋបាលខេត្ត ត្បូងឃ្មុំ នឹង មន្រ្តីពាក់ព័ន្ធនានា ប្រមាណ៥០រូប គោលបំណងនៃសិក្ខាសាលានេះ គឺដើម្បីបង្ហាញពីគម្រោង និងប្រកាសជាផ្លូវការនូវការអនុវត្ត ហើយក៏ជាវេទិកាមួយ សម្រាប់អ្នកពាក់ព័ន្ធចូលរួម ក៏ដូចជាលើកជាសំណួរ និងផ្តល់ធាតុចូល ជួយជំរុញកិច្ចសហការ និងការគាំទ្រ សម្រាប់គម្រោងឆ្ពោះទៅមុខ។
