(ភ្នំពេញ)៖ កំពូលឌីជេ សិចស៊ីដ៏ល្បីលំដាប់ពិភពលោក នៅក្នុងប្រទេសជប៉ុន នាង Tiara នឹងបង្ហាញវត្តមាននៅកម្ពុជា ជាលើកដំបូង នៅក្នុងក្លឹប Zeus Club នៃមជ្ឈមណ្ឌលកំសាន្ត រ៉ក់ នៅថ្ងៃទី១៤ ខែតុលា ឆ្នាំ២០១៦នេះ ដែលជាព្រឹត្តិការណ៍ដ៏កម្រ និងតែមួយគត់ នៅក្នុងប្រទេសកម្ពុជា ដើម្បីផ្ដល់ជូននូវការសប្បាយរីករាយ គ្មានដែនកំណត់ ជាមួយនឹងវត្តមានឌីជេ លំដាប់ពិភពលោក។
លោក Checo អ្នកគ្រប់គ្រងទីផ្សារ ប្រចាំនៅ Rock Entertainment បានបញ្ជាក់ថា «ជាការពិត Zeus Club តែងតែនាំឌីជេល្បីៗ លំដាប់ពិភពលោក មកសម្ដែងនៅក្នុងប្រទេសកម្ពុជា ព្រោះក្លឹបនេះ ធ្លាប់មានការប្រកួតប្រជែងឌីជេ ជាលើកដំបូង នៅក្នុងប្រទេសផងដែរ។ នៅថ្ងៃទី១៤ ខែតុលា នេះ Zeus Club នឹងនាំយកវត្តមាន របស់កំពូលឌីជេ ដ៏ល្បីនៅក្នុងប្រទេសជប៉ុន និងមានសម្រស់ស្រស់ស្អាត សិចស៊ី នាង Tiara មកសម្ដែងជាលើកដំបូង ដើម្បីជាចំណីអារម្មណ៍មួយថ្មី ប្លែកភ្នែក ដល់អ្នកចូលរួមទស្សនា»។
លោកបញ្ជាក់ថា «ការនាំយកឌីជេដ៏ស្រស់ស្អាត សិចស៊ី លំដាប់ពិភពលោក នាង Tiara មកសម្ដែងនៅពេលនេះ គឺក្នុងគោលបំណង ដើម្បីផ្សព្វផ្សាយវិស័យឌីជេ នៅក្នុងប្រទេសកម្ពុជា ឲ្យកាន់តែទូលំទូលាយ និងក្នុងន័យដើម្បីទាក់ទាញ អ្នកទស្សនាឲ្យកាន់តែច្រើន មកស្គាល់ Zeus Club បង្កើនការសប្បាយរីករាយ ប្លែកអារម្មណ៍ ជាមួយនឹងទេពកោសល្យដ៏ប៉ិនប្រសព្វ ក្នុងជំនាញឌីជេ ខ្នាតអន្តរជាតិ។ ការតុបតែងខ្លួនរបស់ ឌីជេ Tiara គឺពិតជាមានភាពទាក់ទាញខ្លាំង ព្រោះនាងជាតារាលំដាប់ពិភពលោក ជាពិសេសគឺទេពកោសល្យ នៃការចាក់ភ្លេងរបស់នាង»។
ដោយឡែក លោក Raindy ប្រធានគ្រប់គ្រងទីផ្សារ នៅក្នុងមជ្ឈមណ្ឌលកំសាន្ត រ៉ក់ ក៏ដូចជា Zeus Club និងជាជំនួយការអ្នកឧកញ៉ា គិត ធៀង បានថ្លែងបញ្ជាក់ថា «សម្រាប់ Rock Entertainment តែងតែនាំមកជូនលោកអ្នក នូវអ្វីថ្មី និងប្លែកជានិច្ច ជាពិសេស គឺវិស័យឌីជេនៅកម្ពុជា ពីព្រោះថា Rock ធ្លាប់បានរៀបចំព្រឹត្តិការណ៍ ប្រកួតពានរង្វាន់ ឌីជេ ប្រចាំប្រទេសរួចមកហើយ។ ការនាំ ឌីជេ Tiara មកពីប្រទេសជប៉ុន មកលេងកំសាន្តនៅក្នុង Zeus Club នេះ គឺក្នុងន័យចង់ឲ្យអតិថិជនប្លែកភ្នែក និងបានរាំលេងកំសាន្តចង្វាក់ភ្លេងថ្មីៗ ស្គាល់ពី Zeus Club កាន់តែច្បាស់ និងការកំសាន្តដ៏សម្បូរបែប ជាច្រើនទៀត»។
សូមបញ្ជាក់ថា នៅក្នុងកម្មវិធីសម្ដែង របស់កំពូលឌីជេ នាង Tiara នៅថ្ងៃទី១៤ ខែតុលានេះ សម្រាប់ Zeus Club ក៏មានការថែមជូនយ៉ាង ពិសេសដល់អតិថិជន ដែលបានមកចូលរួមទស្សនា កំសាន្តសប្បាយក្នុងរាត្រីនេះ ជាមួយនឹងការចាប់រង្វាន់ ជាទូរស័ព្ទ iPhone ស៊េរីថ្មី និងរង្វាន់ Speaker Wireless ជាច្រើនរង្វាន់ទៀត។ ជាមួយគ្នានេះ Zeus Club ក៏នឹងត្រៀមរៀបចំព្រឹត្តិការណ៍ ពិសេសមួយទៀត គឺពិធីបុណ្យ Halloween នៅថ្ងៃទី៣០ ខែតុលា ឆ្នាំ២០១៦ខាងមុខនេះ ដោយនាំមកនូវទិដ្ឋភាពប្លែក ចម្លែកអារម្មណ៍ដល់អ្នកចូលរួមជាច្រើនទៀត៕
លោក Checo អ្នកគ្រប់គ្រងទីផ្សារ ប្រចាំនៅ Rock Entertainment
