(ភ្នំពេញ)៖ ដំណើរការសំណេរ សម្រាប់រសៀលថ្ងៃទី២ ដែលជាថ្ងៃចុងបញ្ចប់ នៃការប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) បានចាប់ផ្ដើមហើយ នៅរសៀលថ្ងៃទី០៩ ខែតុលា ឆ្នាំ២០២៤។
ការបើកហឹបវិញ្ញាសាសម្រាប់ការប្រឡង បានប្រព្រឹត្តទៅដោយមានការអញ្ជើញចូលរួមពីគណៈមេប្រយោគទូទាំងប្រទេស គណៈកម្មការអប្បមាទទូទាំងប្រទេស ជំនួយការអប្បមាទ ប្រធាន-អនុប្រធាននៅតាមមណ្ឌល ដើម្បីធានាបានថា ហឹបវិញ្ញាសានេះពិតជាត្រូវបានរក្សាទុកដោយមានសុវត្ថិភាព។
ចំពោះដំណើរការសំណេរនារសៀលនេះ មានមួយមុខវិជ្ជាគឺ៖ សម្រាប់ថ្នាក់វិទ្យាសាស្ត្រ (គណិតវិទ្យា ពីម៉ោង ១៤៖០០ ដល់១៦៖៣០) សម្រាប់ថ្នាក់វិទ្យាសាស្ត្រសង្គម( អក្សរសាស្ត្រខ្មែរ ពីម៉ោង ១៤៖០០ ដល់ម៉ោង ១៦៖៣០)៕
