(រដ្ឋធានីប៉េកាំង)៖ ក្នុងឱកាសបំពេញបេសកកម្ម នៅសាធារណរដ្ឋប្រជាមានិតចិន លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នាថ្ងៃទី២៦ ខែកញ្ញា ឆ្នាំ២០២៤ បានដឹកនាំគណៈប្រតិភូ​ក្រសួងសាធារណការ និងដឹកជញ្ជូន ចុះពិនិត្យស្ថានីយប្រព្រឹត្តកម្មទឹកកខ្វក់ក្រោមដី Beijing Huainfang របស់ក្រុមហ៊ុន BUCG នៅរដ្ឋធានីប៉េកាំង សាធារណរដ្ឋប្រជាមានិតចិន។

ស្ថានីយប្រព្រឹត្តកម្មទឹកកខ្វក់ក្រោមដីនេះ ប្រើប្រាស់បច្ចេកវិទ្យា AAO+MBR ឈានមុខគេ និងជាស្ថានីយក្រោមដីធំជាងគេក្នុងតំបន់អាស៊ី ដែលគ្របដណ្តប់លើផ្ទៃដី ៤៥០ ០០០ ម៉ែត្រក្រឡា និងមានសមត្ថភាព​ប្រព្រឹត្តកម្ម ៦០០ ០០០ម៉ែត្រគូប ក្នុងមួយថ្ងៃ។ គម្រោងសាងសង់ស្ថានីយប្រព្រឹត្តកម្ម Beijing Huaifang នេះដែរជាគម្រោងតែមួយគត់ក្នុងតំបន់អាស៊ី ដែលបានឈ្នះមេដាយមាស “International Water Association Global Project Innovation” របស់សមាគមទឹកពិភពលោក (International Water Associaton-IWA)។

សូមជម្រាបជូនផងដែរថា បច្ចុប្បន្នប្រទេសកម្ពុជា មានស្ថានីយប្រព្រឹត្តកម្មទឹកកខ្វក់ចំនួន ៩ស្ថានីយដែលកំពុងដំណើរការ ហើយអាចធ្វើការប្រព្រឹត្តកម្មទឹកកខ្វក់បាន ៦១ ៥០០ ម៉ែត្រគូប ក្នុងមួយថ្ងៃ និងស្ថានីយប្រពឹត្តកម្ម ៦ស្ថានីយ ផ្សេងទៀតកំពុងដំណើរការសាងសង់។ ស្ថានីយដែលកំពុងប្រតិបត្តិការ និងកំពុងសាងសង់ទាំងនេះ ប្រើប្រាស់បច្ចេកវិទ្យាផ្សេងគ្នាៗ ដូចជា Waste Stabilization Pond(WSP), Membrane Aerated Biofilm Reactor(MABR), Moving Bed Biofilm Reactor(MBBR) និង Pre-Treated Trickling Filtration (PTF)៕