(តាកែវ)៖ ក្នុងនាមសមាជិកគណៈកម្មាធិការកណ្តាល គណបក្សប្រជាជនកម្ពុជា និងជាប្រធានក្រុមការងារគណបក្ស ចុះមូលដ្ឋានខេត្តតាកែវ នាព្រឹកថ្ងៃទី៨ ខែកញ្ញា ឆ្នាំ២០២៤នេះ លោក ជា វ៉ាន់ដេត បានជួបសំណេះសំណាលជាមួយសមាជិក សមាជិកា គណៈកម្មាធិការគណបក្សប្រជាជនកម្ពុជា ស្រុកត្រាំកក់ ខេត្ដតាកែវ។
ទន្ទឹមគ្នានេះ លោក ជា វ៉ាន់ដេត ក៏បានរៀបចំពិធីប្រកាសតែងតាំងសមាសភាព ប្រធានក្រុមការងារគណបក្ស ចុះមូលដ្ឋានស្រុកត្រាំកក់ ដែលលោកបានតែងតាំងលោក ទួន ស៊ីផាន់ ជាប្រធានក្រុមការងារ។
ក្នុងពិធីនេះ មានការអញ្ជើញចូលរួមពីលោក លោកស្រី ជាប្រធាន អនុប្រធាន និងសមាជិក សមាជិក ក្រុមការងារគណបក្សចុះមូលដ្ឋានស្រុកតាំកក់ នៃឃុំទាំង១៥ សរុបប្រមាណ ១១០នាក់
ពិធីនេះ បានរៀបចំធ្វើឡើង នៅទីស្នាក់ការគណបក្សប្រជាជនកម្ពុជា ស្រុកត្រាំកក់ ខេត្តតាកែវ៕
