(ភ្នំពេញ)៖ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិនៃកម្ពុជា នៃរាជបណ្ឌិត្យសភាកម្ពុជា បានឱ្យដឹងថា ការរៀបចំវេទិការទំនាក់ទំនងអន្តរជាតិលើកទី៣ ស្តីពី «សណ្តាប់ធ្នាប់ពិភពលោកប្រកបដោយការផ្លាស់ប្តូរនិងតួនាទីរបស់មហាអំណាចសម្រាប់សន្តិភាព ស្ថិរភាព និងវិបុលភាពសាកល» ធ្វើឡើងនៅក្នុងគោលបំណង ៣សំខាន់ៗ។ ការបញ្ជាក់របស់លោកបណ្ឌិត បានធ្វើឡើងនៅក្នុងកិច្ចសម្ភាសន៍ជាមួយបណ្ដាញព័ត៌មាន Fresh News នាថ្ងៃទី០៤ ខែកញ្ញា ឆ្នាំ២០២៤ នៅរាជបណ្ឌិត្យភាកម្ពុជា។

គោលបំណងសំខាន់ៗទាំង៣ គឺដើម្បីពិនិត្យមើលអំពីសណ្ដាប់ធ្នាប់ពិភពលោក និងតួនាទីរបស់មហាអំណាចថាមានសារៈសំខាន់បែបណា នៅក្នុងការរក្សាសន្តិភាព ស្ថេរភាព និងវិបុលភាពសកល បន្ទាប់មកទៀត គឺពិនិត្យមើលទៅលើសារៈសំខាន់ទៅលើពហុភាគីនិយម ក៏ដូចជាជំរុញការយល់ដឹងអំពីតម្លៃសន្តិភាពរបស់សកលលោក។

បើតាមការបញ្ជាក់ពីលោកបណ្ឌិត គិន ភា តាមរយៈវេទិការនេះ «យើងបានផ្ញើសារក្នុងឋានៈជាអ្នកសិក្សាស្រាវជ្រាវអំពីកង្វល់របស់យើងថា ពិភពលោកកំពុងស្ថិតនៅក្នុងភាពក្នុងមាត់ជ្រោះនៃសង្រ្គាមលោកលើកទី៣ ព្រោះការប្រកួតប្រជែងរបស់ប្រទេសមហាអំណាច នឹងមិនមានភាពថមថយនោះទេ ទាំងអស់នេះហើយដែលយើងជជែកពិភាក្សាគ្នា ដើម្បីបាននូវទស្សនៈ សម្រាប់អ្នកមានសិទ្ធិសម្រេចចិត្តនយោបាយការបរទេស ជាពិសេសប្រទេសតូចៗ ដូចជាប្រទេសកម្ពុជាជាដើម ដែលអាចយកទៅពិចារណា និងអាចទុកជាឯកសារមុនមានការសម្រេចចិត្តនយោបាយការបរទេសណាមួយ»។

ដើម្បីជ្រាបកាន់តែច្បាស់សូមទស្សនិកជនទស្សនាកិច្ចសម្ភាសន៍ទាំងស្រុងដូចតទៅ៖