(ភ្នំពេញ)៖ ឯកឧត្តមកិត្តិនីតិកោសលបណ្ឌិត ប៊ិន ឈិន តំណាងរាស្ត្រមណ្ឌលខេត្តតាកែវ និងជាសមាជិកឧត្តមក្រុមប្រឹក្សាផ្ទាល់ព្រះមហាក្សត្រ សម្តែងការអបអរសាទរយ៉ាងជ្រាលជ្រៅជូនលោកអ្នកឧកញ៉ា មហាភក្តី គង់ បញ្ញា ក្នុងឱកាសដ៏វិសេសវិសាលដែលព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ទ្រង់សព្វព្រះរាជហឫទ័យត្រាស់បង្គាប់តែងតាំងមុខតំណែងជា ទេសរដ្ឋមន្រ្តី ទទួលបន្ទុកកិច្ចការទូទៅអមក្រសួងព្រះបរមរាជវាំង នៅថ្ងៃទី២ ខែកញ្ញា ឆ្នាំ២០២៤នេះ។
ការទទួលបាននូវការសព្វព្រះរាជហឫទ័យត្រាស់បង្គាប់តែងតាំងនេះ ពិតជាស័ក្កិសមនឹងកិច្ចខិតខំប្រឹងប្រែងដ៏ខ្លាំងក្លារបស់លោកអ្នកឧកញ៉ា មហាភក្ដី ក្នុងការចូលរួមចំណែកកសាង និងការពារប្រជាជាតិកម្ពុជា ស្ថិតក្រោមបាវចនា ជាតិ សាសនា ព្រះមហាក្សត្រ ធ្វើឱ្យសង្គមកម្ពុជាទទួលបាននូវសុខសន្តិភាព និងមានការអភិវឌ្ឍលើគ្រប់វិស័យ ជាពិសេស លោកអ្នកឧកញ៉ា មហាភក្ដី បានចូលរួមដង្ហែ អង្គព្រះមហាក្សត្រ និងសម្ដេចមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត បំពេញព្រះរាជកិច្ចដោយទទួលជោគជ័យជាច្រើនលើកិច្ចការជាតិ និងអន្តរជាតិ ដើម្បីជាប្រយោជន៍ដ៏ឧត្តុងឧត្តមសម្រាប់ជាតិមាតុភូមិ និងប្រជាជនកម្ពុជារហូតមក។
ក្នុងឱកាសដ៏ប្រសើរថ្លៃថ្លានេះ សូមបួងសួងដល់វត្ថុស័ក្តិសិទ្ធិទាំងអស់ក្នុងលោក ទេវតាថែរក្សាព្រះរាជាណាចក្រកម្ពុជា សូមជួយអភិបាលគ្រងរក្សា ប្រោះព្រំប្រសិទ្ធពរ បវរមហាប្រសើរជូនលោកអ្នកឧកញ៉ា មហាភក្ដី ព្រមទាំក្រុមគ្រួសារ សូមបានប្រកបដោយព្រះពុទ្ធពរ និងពរទាំង ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
