(ភ្នំពេញ)៖ លោក ហង់ ជួនណារ៉ុង រដ្ឋមន្ដ្រីក្រសួងអបរំ​ យុវជន និងកីឡា នៅព្រឹកថ្ងៃទី២៥ ខែកញ្ញា ឆ្នាំ២០១៦នេះ បានដឹកនាំមន្រ្តីក្រសួងអប់រំ ចូលរួមបុណ្យសព លោក​ Christian GAUQUELIN des PALLIERES ស្ថាបនិក អង្គការដើម្បីភាពញញឹមនៃកុមារ (Pour un Sourire d’Enfant) ដែលបានទទួលមរណភាពនៅយប់មិញនេះ ​ដោយរោគាពាធ ក្នុងជន្មាយុ៨២ឆ្នាំ។

ពេលនេះ សពត្រូវបានតម្កល់នៅក្នុងអង្គការដើម្បីភាពញញឹមនៃកុមារ ដែលមានអាសយដ្ឋានផ្ទះលេខ៤០២ ភូមិទ្រា សង្កាត់ស្តឹងមានជ័យ ខ័ណ្ឌមានជ័យ រាជធានីភ្នំពេញ (ក្បែរផ្សាសឡា)។

សូមបញ្ជាក់ថា ស្ថាបនិកអង្គការដើម្បីភាពញញឹមនៃកុមារ លោក Christian de Pallière ជាជនជាតិបារាំង ដែលបានជួយកុមារកម្ពុជារាប់ពាន់នាក់ពីគំនរសំរាម ឲ្យមានអនាគតភ្លឺស្វាងនោះ បានទទួលមរណភាពនៅវេលាម៉ោង៦៖៥៨នាទីល្ងាច ថ្ងៃទី២៤ ខែកញ្ញា ឆ្នាំ២០១៦ម្សិលមិញ ដោយជរាភាព។ សពនឹងត្រូវដង្ហែទៅកាន់វត្តឫស្សីសាញ់ នៅថ្ងៃចន្ទ ទី២៦ ខែកញ្ញា ឆ្នាំ២០១៦ វេលាម៉ោង១រសៀល៕