(ព្រៃវែង)៖ លោក ចាន់ វ៉ាន់ធឿន ប្រធានក្រុម ការងារចុះជួយឃុំជាខ្លាង និងឃុំគោកគង់កើត រួមជាមួយសហ​ការី បានចុះធ្វើសកម្មភាពចែកអំណោយសប្បុរសធម៌មួយចំនួន ដល់ប្រជាពលរដ្ឋ ក្រីក្រ លំបាក និងចាស់ជរា នៅខេត្តព្រៃវែង នាថ្ងៃទី២៤ ខែកញ្ញា ឆ្នៃ២០១៦នេះ។

លោក ចាន់ វ៉ាន់ធឿន បាន នាំយកមូលនិធិមនុស្សធម៌សម្តេចក្រឡាហោម ស ខេង ចែកជូនស្រ្តីសម្រាល កូន ១០ នាក់ និងគ្រួសារសព ០៣នាក់ រស់នៅ ឃុំជាខ្លាង ខេត្តព្រៃវែង។ក្រៅពីនោះ លោកក៏បានលើក ស្លាកគណបក្សចំនួន០២ នៅភូមិជ្រៃសីម៉ា បានឧបត្ថម្ភចលនាបក្សផងដែរ។បន្ទាប់មក លោក ចាន់ វ៉ាន់ធឿន និងក្រុមការងារ បានចុះសួរសុខ​ទុក្ខសកម្មជនមានជំងឺ ០១នាក់ ដោយបានឧបត្តម្ភ​ថវិកា មួយចំនួន ដូចជា ប៊ីចេង ០.០៥ គីឡូក្រាម និង បានសំណេះសំណាលជាមួយ ប្រជាពលរដ្ឋឧបត្ថម្ភថវិកា មួយចំនួនទៀត។

នៅថ្ងៃដដែលនោះ លោក ចាន់ វ៉ាន់ធឿន និងក្រុមការងារក៏បាននាំយកមូលនិធិមនុស្សធម៌ សម្តេចក្រឡាហោម ស ខេង ចែកជូនស្រ្តីសម្រាលកូន ០៨នាក់ និងគ្រួសារសព០១នាក់ នៅ ឃុំគោកគង់កើត ក្នុងខេត្តព្រៃវែង។ក្រៅពីនោះ បានឧបត្ថម្ភ ចលនាបក្ស, ឧបត្ថម្ភថវិកាដល់ភ្នាក់ងារសង្កេតការចំនួន ០២នាក់ និងឧបត្ថម្ភថវិកាក្រុមប្រចាំការ ។

បន្ថែមពីលើនេះ លោកក៏បានចុះសួរសុខ​ទុក្ខសកម្មជនមានជំងឺ ០១នាក់ដោយបាន ឧបត្តម្ភ​ថវិកាមួយចំនួន និងបានសំណេះ សំណាលជាមួយប្រជាពលរដ្ឋចែកជូនថវិកា,នំបុ័ង,ទឹកដោះគោ ហើយបានឧបត្ថម្ភ ថវិកាមួយចំនួន សំរាប់ចាក់ដី(មុខទីស្នាក់ការបក្ស)៕