(កណ្ដាល)៖ លោក អេង សុវិចិត្រ អភិបាលក្រុង​សំពៅពូន បានដឹកនាំមេបញ្ជាការកងរាជអាវុធហត្ថ​ អធិការ​នគរបាល​ក្រុង​ ចុះធ្វើរដ្ឋបាលតាមហាងខារ៉ាអូខេ និងក្លឹបកំសាន្ត​នានា ស្ថិតក្នុងភូមិព្រែកស៊ឹង សង្កាត់សំពៅពូន ក្រុងសំពៅពូន ខេត្តកណ្តាល។

លោកអភិបាលក្រុងថ្លែងថា ការចុះត្រួតពិនិត្យនេះ គឺដើម្បីធានាបាននូវសុខសុវត្ថិភាព និងការទប់ស្កាត់បានទាន់ពេលវេលានូវហេតុការណ៍ និងសកម្មភាពខុសច្បាប់នានា។

តាមរបាយការណ៍ ទូតាំងដែលបានចុះរដ្ឋបាលរួមមាន៖

*ទី១៖ ហាង ពូទីន ៦៦៦៦ មានទីតាំងស្ថិតនៅ ភូមិព្រែក​ស៊ឹង សង្កាត់សំពៅពូន ក្រុងសំពៅពូន ខេត្តកណ្ដាល
*ទី២៖ ហាង CT ៨៧៦ KTV មានទីតាំងស្ថិតនៅ ភូមិព្រែកស៊ឹង សង្កាត់សំពៅពូន ក្រុងសំពៅពូន ខេត្តកណ្ដាល
*ទី៣៖ ហាង ក្រុងសំរឹត KTV មានទីតាំងស្ថិតនៅ ភូមិព្រែកស៊ឹង សង្កាត់សំពៅពូន ក្រុងសំពៅពូន ខេត្តកណ្ដាល។

លទ្ធផល​ក្រោយពីត្រួតពិនិត្យរួច ហាងខាងលើមិនមានអ្វីគួរឱ្យកត់សម្គាល់ឡើយ។ បន្ទាប់មកកម្លាំងជំនាញ បានធ្វើកិច្ចសន្យាណែនាំម្ចាស់ទីតាំង និងអ្នកតំណាងដោយមិនអនុញ្ញាតឱ្យផ្ដល់ទីតាំង ឬផ្ដល់មធ្យោបាយ ប្រព្រឹត្តបទល្មើសណាមួយឡើយ ជាពិសេសបទល្មើសជួញដូរ និងប្រើប្រាស់គ្រឿងញៀន និងបទល្មើសជួញដូរផ្លូវភេទ (គ្រប់រូបភាព) ជាដើម៕