(ព្រៃវែង)៖ លោក ចាន់ វ៉ាន់ធឿន ប្រធានក្រុមការងារចុះជួយឃុំ ជាខ្លាង និងឃុំគោកគង់កើត រួមជាមួយសហការី​ បាននាំយកនូវអំណោយរបស់ លោក នេត  សាវឿន និងភរិយា មានជាថវិកា និង សំភារៈ បរិក្ខារ ប្រគេនព្រះសង្ឃចំនួន ០៦វត្ត ក្នុងនោះ មាន០២ វត្ត នៅឃុំគោកគង់ កើត ស្រុកកញ្រ្ជច និង ០២ វត្តទៀតនៅឃុំជាខ្លាង ស្រុកស្វាយអន្ទរ ខេត្តព្រៃវែង នៅថ្ងៃទី២៣ ខែកញ្ញា ឆ្នាំ២០១៦។

សំភារៈបរិក្ខារ និងអំណោយមួយចំនួន ត្រូវចែកនៅពេលនោះរួមមាន សាដក ៤៤,បច្ច័យដាក់សាដក-បច្ច័យកសាងវត្ត ,ថវិកាជូនយាយជី-តាជី ,ជូនតាអាចារ្យ,ជូនប្រជាពលរដ្ឋ,ទឹកក្រូច ៦០កេស, ទឹកសុទ្ធ ៦០កេស, អង្ករ ១២បាវ, ទឹកដោះគោខាប់, ០៦កេស, មីម៉ាម៉ា១៨កេស, ទឹកត្រី ១២យូរ, ទឹកស៊ីអីវ ១២យូរ, ចានគ្រប់ប្រភេទ ០៦កេស,ត្រីខកំប៉ុង ០៦កេស ។

ក្រៅពីនោះ លោក ចាន់ វ៉ាន់ធឿន និងសហការី បានអញ្ជើញចុះត្រួតពិនិត្យការជួសជុលសាលាមតេយ្យ និងបានចុះសាកសួរសុខទុក្ខ ក្រុមប្រឹក្សាឃុំ ជាខ្លាង ដែលមានជំងឺជាទំងន់ ដោយបានឧបត្ថម្ភ ជូនទឹកដោះគោឆៅ ០៣ឡូ,ប៊ីចេង ០១គីឡូក្រាម និងថវិកា ៤០ម៉ឺនផងដែរ៕