(កំពង់ស្ពឺ)៖​ លោកវ៉ី សំណាង អភិបាល​ខេត្តកំពង់ស្ពឺ និងភរិយា​លោកស្រី ឈុន ស៊ីន ព្រមទាំង​ក្រុមគ្រួសារ បានដឹកនាំមន្ត្រី រាជការតាមមន្ទីរ ជុំវិញខេត្ត និងប្រជាពលរដ្ឋ ពុទ្ធបរិសទ្ធ័ ជិតឆ្ងាយ​ចូលរួមកាន់បិណ្ឌវេនទី៦ នៅវត្តកល្បព្រឹក្ស ហៅ​វត្ត​ជង្រុក ស្ថិតក្នុងភូមិជង្រុក ឃុំជង្រុក​ ស្រុក​គង​ពិសី​ នាព្រឹកថ្ងៃទី​២២ ខែកញ្ញា ឆ្នាំ២០១៦នេះ។ ក្នុងនោះដែរ លោកអភិបាលខេត្ត ក៏បាននាំយក​ ​ទេយ្យទាន គ្រឿងឧបភោគបរិភោគ បច្ច័យសម្រាប់កសាងវត្តផងដែរ។

លោកអភិបាលខេត្ត ក៏សុំបួងសួង និងឧទ្ទិសមគ្គផលកុសល ផលបុណ្យ ដែលចូលរួមដោយមន្ត្រីរាជការ អស់លោកជាអភិបាលរង រួមទាំងសប្បុរសជននានា សូមទទួលយកនៅសេចក្តីសុខ ក្នុងឱកាសពីធីបុណ្យភ្ជុំបិណ្ឌ ឲ្យបានដល់ មាតាបិតាញាតិការទាំ៧សណ្តាន ដែលបានចែកឋានទៅកាន់បរិលោក ដោយពេលនេះកូនចៅបានឧទ្ទិស សាច់ញាតិទាំងនោះមកទទួលយកកុសល ផលបុណ្យទាំងនេះឲ្យបានគ្រប់ៗ​ គ្នាតាមរយៈការធ្វើនាថ្ងៃនេះ អនុមោទនាតាមសទ្ធាជ្រះថ្លារៀងៗខ្លួនដែរ៕