(ភ្នំពេញ)៖ ពលករ ពលការិនីខ្មែរ៣នាក់ ដែលត្រូវបានឃុំនៅពន្ធនាគារ Semeyih របស់ប្រទេសម៉ាឡេស៊ី នឹងត្រូវស្ថានទូតខ្មែរបញ្ជូនឱ្យត្រឡប់មកប្រទេសកម្ពុជាវិញ នៅល្ងាចថ្ងៃទី២១ ខែកញ្ញា ឆ្នាំ២០១៦នេះ បន្ទាប់ពីត្រូវបានដោះលែង។ នេះបើតាមការប្រកាសរបស់ក្រសួងការបរទេសកម្ពុជា។

ក្រសួងការបរទេស បានឲ្យដឹងថា ស្ថានឯកអគ្គរាជទូតកម្ពុជា ប្រចាំនៅប្រទេសម៉ាឡេស៊ី បានសហការជាមួយអង្គការជាតិ ទេសសន្ដរប្រវេសន៍ណ (IOM) រៀបចំមាតុភូមិនិវត្តន៍ឲ្យពលរដ្ឋខ្មែរ៣នាក់ ដែលបានជាប់ឃុំនៅពន្ធនាគារ Semenyih នៃរដ្ឋSelangor ប្រទេសម៉ាឡេស៊ី ដោយសារលិខិតឆ្លងដែនផុតសុពលភាព។

ក្រសួងការបរទេស ក៏បានបញ្ជាក់ដែរថា ពលករទាំង៣នាក់នេះ នឹងមកដល់ព្រលានយន្ដហោះអន្ដរជាតិភ្នំពេញ នាម៉ោង៥៖១០នាទីល្ងាច ថ្ងៃទី២១ ខែកញ្ញានេះ តាមជើងយន្ដហោះលេខ MH ៧៦២៕​

ខាងក្រោមនេះ​ ជាសេចក្តីប្រកាសរបស់ក្រសួងការបរទេស៖