(ភ្នំពេញ)៖ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅព្រឹកថ្ងៃទី១៧ ខែកក្កដា ឆ្នាំ២០២៤នេះ បានអញ្ជើញចូលរួមពិធីបុណ្យបញ្ចុះខណ្ឌសីមាព្រះវិហារ និងសម្ពោធឆ្លងសមិទ្ធផលនានា នៅវត្តព្រឹក្សា ឃុំពេជសារ ស្រុកកោះអណ្តែត ខេត្តតាកែវ។
ពិធីនេះក៏មានការនិមន្ត សម្តេចព្រះពុទ្ធជ័យមុនី បណ្ឌិត ឃឹម សន ព្រះមេគុណរាជធានីភ្នំពេញ និងជាព្រះអាគារធិការង ពុទ្ធិកសិក្សាជាតិ ព្រះប្រធានលេខាធិការដ្ឋាន គណៈសង្ឃនាយក ព្រះមន្រ្តីសង្ឃ និងមានការអញ្ជើញចូលរួមលោក ចាយ បូរិន រដ្ឋមន្ត្រីក្រសួងធម្មការ និងសាសនា, បណ្ឌិត ជា វ៉ាន់ដេត ប្រធានក្រុមការងាររាជរដ្ឋាភិបាលចុះមូលដ្ឋានខេត្តតាកែវ លោក វ៉ី សំណាង អភិបាលខេត្តតាកែវ អភិបាលរងខេត្ត ព្រមទាំងពុទ្ធបរិស័ទ សិស្សានុសិស្ស និងបងប្អូនប្រជាពលរដ្ឋចូលរួមផងដែរ៕
