(ស្វាយរៀង)៖ នៅព្រឹកថ្ងៃទី១៦​ ខែកក្កដា​ ឆ្នាំ២០២៤ លោក ប៉េង​ ពោធិ៍សា​ អភិបាលខេត្ត​ស្វាយរៀង​ បានដឹកនាំកិច្ចប្រជុំគណៈកម្មកា​រដោះស្រាយទំនាស់ក្រៅប្រព័ន្ធតុលាកា​រ​ជាមួយក្រុមហ៊ុន​ ភូមិមរតក​ ដែលមានទីតាំងស្ថិតនៅ ភូមិចំបក់សង្កាត់ចេក​ ក្រុងស្វាយរៀង​ និងមរតក​ថ្មស​ ស្ថិតក្នុងភូមិតាប៉​ ឃុំតាសួស​ ស្រុកស្វាយជ្រំ​ របស់ឈ្មោះ​ សោម​ សុធា​ ជាអគ្គនាយកក្រុមហ៊ុន​ និងជាម្ចាស់គម្រោង។

កិច្ចប្រជុំនេះមានការចូលរួមពី​លោក លោកស្រីមន្ត្រីពាក់ព័ន្ធនិង​ តំណាងក្រុមហ៊ុនភូមិមរតក​ ជាច្រើនរូបទៀតផងដែរ។

សូមបញ្ជាក់ថា ក្រោមការយកចិត្តទុកដាក់របស់លោកអភិបាលខេត្ត​ ក៏ដូចជាគណៈកម្មការដោះវិវាទក្រៅប្រព័ន្ធតុលាការ កិច្ចប្រជុំនេះ​ បានពិនិត្យពិភាក្សាលើកឡើងពីអង្គហេតុ​ អង្គច្បាប់​ ព្រមទាំងឯកសារពាក់ព័ន្ធ​ ដែលជាគន្លឹះ ក្នុងការដោះស្រាយបញ្ហាដីធ្លី​ ដែលបានកើតឡើងរវាងប្រជាពលរដ្ឋ​ និងក្រុមហ៊ុនភូមិមរតក​ ស្ថិតនៅភូមិចំបក់សង្កាត់ចេក​ ក្រុងស្វាយរៀង​ និងមរតក​ថ្មស​ ស្ថិតក្នុងភូមិតាប៉​ ឃុំតាសួស​ ស្រុកស្វាយជ្រំ​ ខេត្តស្វាយរៀង​ ដើម្បីឈានទៅដល់ការដោះស្រាយ​ទៅតាមដំណាក់កាល​ និងជំហានបន្តបន្ទាប់ទៀត៕