(ម៉ានីល)៖ យន្តហោះដឹកអ្នកដំណើរមួយគ្រឿងរបស់អាកាសចរណ៍ អារ៉ាប៊ី សាអូឌីត ដែលបានចុះចតបន្ទាន់ នៅឯព្រលានយន្តហោះអន្តរជាតិ Ninoy Aquino នៃទីក្រុងម៉ានីល ប្រទេសហ្វីលីពីន នៅថ្ងៃអង្គារនេះ ត្រូវបានសមត្ថកិច្ចព្រលានអះអាងថា មិនមានកើតឡើងនូវការ ប្លន់អ្វីនោះឡើយ ហើយសញ្ញាប្រកាសអាសន្ននោះ គឺពីឡុតបានចុចច្រឡំប៉ុណ្ណោះ។ នេះបើតាមការ ចេញផ្សាយដោយ​ទីភ្នាក់ងារព័ត៌មានចិន ស៊ិនហួរ នារសៀលថ្ងៃអង្គារ ទី២០ ខែកញ្ញា ឆ្នាំ២០១៦។

ទូរទស្សន៍ក្នុងស្រុក ហ្វីលីពីន បានចេញពីសកម្មភាពនៃកងកម្លាំងសង្គ្រោះ និង រថយន្តមួយចំនួនទៀត ដែលបានសម្រួលអ្នកដំណើរចាកចេញពីយន្តហោះម្តងបន្តិចៗ  បន្ទាប់ពីយន្តហោះបានធ្វើការ​ចុះចតនៅ វេលាម៉ោង ៣៖០០នាទីរសៀលថ្ងៃអង្គារនេះ ម៉ោងនៅទីក្រុងម៉ានីល។ យន្តហោះនឹងធ្វើការហោះហើរ ឡើងវិញ នៅពេលដែលភាពភ័យខ្លាច ត្រូវបានលុបបំបាត់៕