(បាត់ដំបង)៖ កងរាជអាវុធហត្ថខេត្តបាត់ដំបង បានប្រជុំបបូកសរុបលលទ្ធផលការងារការអនុវត្តតួនាទី ភារកិច្ច និងការធ្វើកំណែទម្រង់កងរាជអាវុធហត្ថឆមាសទី១ ទិសដៅសកម្មភាពការងារ ឆមាសទី២ ឆ្នាំ២០២៤។
ពិធីនេះបានធ្វើឡើងនារសៀលថ្ងៃទី៩ ខែកក្កដា ឆ្នាំ២០២៤ នៅទីបញ្ជាការដ្ឋានអាវុធហត្ថខេត្ត ក្រោមវត្តមានលោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង និងមានការចូលរួមពីមេបញ្ជាការង ប្រធានមន្ទីរប្រធានការិយាល័យ មេបញ្ជាការមូលដ្ឋានកងរាជអាវុធហត្ថ ក្រុង ស្រុក និងយោធិនសោធនននិវត្តន៍ និងពិការចូលរួមចំនួន១០៧នាក់។
ដោយបានអនុវត្តតាមប្រសាសន៍ណែនាំនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស រសៀលថ្ងៃទី៩ ខែកក្កដា ឆ្នាំ២០២៤ លោកឧត្តមសេនីយ៍ត្រី ហែម វុទ្ធី មេបញ្ជាការកងរាជអាវុធហត្ថខេត្តបាត់ដំបង បានអញ្ជើញជាគណៈអធិបតីក្នុងពិធីប្រជុំបូកសរុបលទ្ធផលការងារ ការអនុវត្តតួនាទី ភារកិច្ច និងការធ្វើកំណែទម្រង់កងរាជអាវុធហត្ថ ឆមាសទី១ ទិសដៅសកម្មភាពការងារ ឆមាសទី២ឆ្នាំ២០២៤ និងសំណេះសំណាលសួរសុខទុក្ខ យោធិន នៃកងរាជអាវុធហត្ថ សោធននិវត្តន៍ និងពិការ ក្នុងឱកាសអបអរសាទរ ខួបលើកទី៣១ ទិវាបង្កើតកងរាជអាវុធហត្ថ (១៤ កក្កដា ១៩៩៣-១៤ កក្កដា ២០២៤)។
ក្នុងឱកាសសំណេះសំណាលសាកសួរសុខទុក្ខ លោកឧត្តមសេនីយ៍ត្រី ហែម វុទ្ធី បានលើកឡើងនូវការផ្តាំផ្ញើសាកសួរសុខទុក្ខរបស់នាយឧត្តមសេនីយ៍ សៅ សុខា ព្រមទាំងបាននាំយកនូវឧបត្ថមថវិកា ជូនយោធិនចូលនិវត្តន៍ ពិការចំនួន៤២នាក់ ក្នុងនោះម្នាក់ៗទទួលបាន៖ ថវិកា១០ម៉ឺនរៀល អង្ករ១ការ៉ុង មី១កេស ត្រីខ១យួរ ទឹកសុទ្ធ១កេស ទឹកត្រី១យួរ ទឹកស៉ីអ៉ីវ១យួរ។
