(ភ្នំពេញ)៖ របាយកាណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី១៩ ខែកញ្ញា ឆ្នាំ២០១៦ របស់អគ្គស្នងការនគរបាលជាតិបានឲ្យដឹងថា នៅថ្ងៃម្សិលមិញនគរបាលជាតិ បានបង្រ្កាបបទល្មើសជួញដូរ រក្សាទុក និងប្រើប្រាស់គ្រឿងញៀនចំនួន៧ករណី ឃាត់ខ្លួន១៥នាក់ មុខសញ្ញាជួញដូរចំនួន១០នាក់ មុខសញ្ញាប្រើប្រាស់៥នាក់ ដកហូតថ្នាំមេតំហ្វេតាមីន (ice) ចំនួន២១.២៦ក្រាម និង១១កញ្ចប់តូច។
ជនសង្ស័យទាំងនោះត្រូវបានឃាត់ខ្លួនដោយ៖ មន្ទីរប្រយុទ្ធប្រឆាំងគ្រឿងញៀន ២ករណីឃាត់ខ្លួនមនុស្ស៥នាក់ នគរបាលភ្នំពេញ បង្ក្រាប១ករណីឃាត់ខ្លួនម្នាក់, នគរបាលកណ្ដាលបង្ក្រាប១ករណីឃាត់ខ្លួនម្នាក់, នគរបាលស្វាយរៀង បង្ក្រាប១ករណីឃាត់ខ្លួនម្នាក់, នគរបាលបាត់ដំបង បង្រ្កាប១ករណីឃាត់ខ្លួន៦នាក់ និងនគរបាលត្បូងឃ្មុំ បង្ក្រាប១ករណី ឃាត់ខ្លួនម្នាក់៕
