(ប៉េកំាង)៖ ក្រសួងកិច្ចការសង្គមចិន បានឱ្យដឹងថា ព្យុះទីហ្វុង Makalas និង Meranti បានផ្ដាច់យកអាយុជីវិតមនុស្សយ៉ាងហោចណាស់ ២៩នាក់ ខណៈ១៥នាក់បានបាត់ខ្លួន នៅក្នុងខេត្តចំនួន៥ របស់ចិន។ នេះបើតាមការចុះផ្សាយនៅយប់ថ្ងៃទី១៩ ខែ កញ្ញា ឆ្នាំ២០១៦ ដោយទីភ្នាក់ងារសារព័ត៌មាន ចិន​ស៊ិនហួរ។

ដោយនំាមកជាមួយខ្យល់បក់ និងភ្លៀងធ្លាក់យ៉ាងខ្លំាង ព្យុះទីហ្វុង Makalas និង Meranti បានវាយប្រហារមកលើទីក្រុង Shanghai ខេត្ត Jiangsu, Zhejiang, Fujiang និង ខេត្ត Jiangxi តំាងតែពីថ្ងៃទី១៤ ខែកញ្ញាមកម្ល៉េះ ដោយបានបណ្ដាលឱ្យផ្ទះជាង ៧៣០០ខ្នងដួលរលំ ៦១០០០ខ្នងត្រូវបំផ្លាញ ខណៈមនុស្ស ៦១៨ ០០០ នាក់ត្រូវបានជម្លៀសទៅកាន់កន្លែងមានសុវត្ថិភាព។ ចំណែកឯផ្ទៃដីដំាដុះ ១០៦,៧០០ហិចតា ក៏ត្រូវបានបំផ្លាញផងដែរ ហើយបើគិតទំហំខូតខាត ជាទឹកប្រាក់គឺស្មើនឹង ២,៣២ពាន់លានដុល្លារ៕