(ភ្នំពេញ)៖ ចៅក្រមជំនុំជម្រះនៃ សាលាដំបូងរាជធានីភ្នំពេញ បានចេញសេចក្តីជូនដំណឹង៤ដាច់ដោយឡែកពីគ្នា ជូនចំពោះ លោក សុន ឆ័យ តំណាងរាស្រ្តមណ្ឌលភ្នំពេញ អនុញ្ញាតឲ្យ លោក សុន ឆ័យ លោកស្រី មូរ សុខហូរ លោកស្រី កែ សុវណ្ណរតន៍ និងតំណាងរាស្រ្តគណបក្សបក្សសង្រ្គោះជាតិមួយចំនួនទៀត ចូលសួរសុខទុក្ខ លោក ហុង សុខហូរ, លោក អ៊ុំ សំអាន និងលោក ស៊ាង ចែត និងអ្នកជាប់ឃុំឃាំងទាំង១៥រូប​ ដែល កំពុងតែជាប់នៅក្នុងពន្ធនាគារព្រៃស នាពេលបច្ចុប្បន្ននេះ។

យោងតាមលិខិតអនុញ្ញាតចៅក្រមជំនុំជម្រះ​ នៃសាលាដំបូងរាជធានីភ្នំពេញ បានបញ្ជាក់ថា លោក សុន ឆ័យ លោកស្រី មូរ សុខហូរ លោកស្រី កែ សុវណ្ណរតន៍ និងតំណាងរាស្រ្ត គណបក្សបក្សសង្រ្គោះជាតិ មួយចំនួនទៀត អាចចូលសួរសុខទុក្ខ អ្នកជាប់ក្នុងពន្ធនាគារ នាវេលាម៉ោង៩៖០០ព្រឹក ថ្ងៃទី២០​ខែកញ្ញា ឆ្នាំ២០១៦ ស្អែកនេះ។

យោងតាមលិខិតបញ្ជាក់របស់ ចៅក្រមជំនុំជម្រះនៃសាលាដំបូងរាជធានីភ្នំពេញ បានឲ្យដឹងថា សំណើចូលសួរសុខទុក្ខ តុលាការពុំយល់ទាស់ឡើយ ប៉ុន្តែតម្រូវ ឲ្យអ្នកចូលជួប ត្រូវអនុវត្តទៅតាមបទបញ្ជាផ្ទៃក្នុង របស់ពន្ធនាគារ៕

សូមអានលិខិតជូនដំណឹង មានខ្លឹមសារនៅខាងក្រោមនេះ៖