(សិង្ហបុរី)៖ អាជ្ញាធរសុខាភិបាលសិង្ហបុរីបានឱ្យដឹងថា ខ្លួនបានរកឃើញករណីឆ្លងថ្មីនៃវីរុស Zika ១៤ករណីថ្មីបន្ថែមទៀត គិតត្រឹមម៉ោង ៣៖០០នាទីរសៀល (ម៉ោងនៅក្នុងប្រទេសសិង្ហបុរី) ថ្ងៃព្រហស្បតិ៍នេះ ដោយបានធ្វើឱ្យករណីឆ្លងវីរុស Zika សរុបកើនដល់៣៥៥ករណី។ នេះបើយោងតាមទីភ្នាក់ងារជាតិបរិស្ថានសិង្ហបុរី ចុះផ្សាយដោយសារព័ត៌មាន Channel News Asia ​នៅមុននេះបន្តិច នារល្ងាចថ្ងៃព្រហស្បតិ៍ ទី១៥ ខែកញ្ញា ឆ្នាំ២០១៦។

ទីភ្នាក់ងារជាតិបរិស្ថានឱ្យដឹងទៀតថា ក្នុងចំណោមករណីឆ្លងទំាង១៤នេះ មាន៦ករណីត្រូវបានរកឃើញ នៅក្នុងតំបន់ Aljunied ​ដែលធ្វើឱ្យចំនួនករណីឆ្លង សរុបក្នុងតំបន់នេះ កើនដល់២៧៩ករណី ខណៈ៣ករណីផ្សេងទៀតកើតឡើងនៅក្នុងតំបន់ Elite Terrace។ ចំណែកឯករណីឆ្លងថ្មី នៅសល់គឺមកពីតំបន់ Ubi ​និង តំបន់ Circuit Road​៕