(សៀមរាប)៖ លោកស្រី គួយ ណាលីន ឃឹមប៊ុនសុង អនុប្រធានសាខាកាកបាទក្រហមកម្ពុជាខេត្តសៀមរាប និងក្រុមការងារ នារសៀលថ្ងៃទី១៥ ខែកញ្ញា ឆ្នាំ២០១៦នេះ បានប្រគល់ផ្ទះមួយខ្នង និងគ្រឿងឧបភោគបរិភោគ ដល់គ្រួសារផ្ទុកមេរោគអេដស៍ ទីទល់ក្រ នៅភូមិគោកដូង សង្កាត់ទឹកវិល ក្រុងសៀមរាប។
លោកស្រី គួយ ណាលីន ឃឹមប៊ុនសុង បានឲ្យដឹងថា ផ្ទះដែលបានប្រគល់ជូននេះ មានទំហំ៤ម៉ែត្រ គុណនឹង៥ម៉ែត្រ ជញ្ជាំងក្ដា ប្រក់ស័ង្គសី ហើយក្រៅពីផ្ទះក្រុមការងារ ក៏បានផ្ដល់ជាគ្រឿងឧបភោគបរិភោគ និងសម្ភារៈ ដូចជា អង្ករ៥០គីឡូក្រាម មី១កេះ ត្រីខ១យួរ ទឹកសុទ្ធ៥យូរ មុង១ ភួយ១ សារុង១ កន្ទេល១ ខ្នើយ២ គ្រែ១ និងថវិកា៤០០,០០០រៀល ផងដែរ។
ជាមួយគ្នានោះដែរ ក្រុមគ្រួសារផ្ទុកមេរោគអេដស៍ ក៏បានថ្លែងអំណរគុណយ៉ាងជ្រាលជ្រៅ ចំពោះសម្តេចកិត្តិព្រឹបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងសប្បុរសជន ដែលបានយកចិត្តទុកដាក់ចំពោះសុខទុក្ខរបស់គាត់ ក៏ដូចជាប្រជារាស្ត្រទូទាំងប្រទេស ដែលមានកាខ្វះខាត ឬទីទាល់ក្រដូចគាត់៕
