(ភ្នំពេញ)៖ នគរបាលប៉ុស្ដិ៍ច្បារអំពៅ២ នៃអធិការដ្ឋានគរបាលខណ្ឌច្បារអំពៅ បានឃាត់ខ្លួនជនសង្ស័យម្នាក់ ដកហូតបានថ្នាំញៀន៩កញ្ចប់ នាម៉ោង១២៖៤០នាទីថ្ងៃត្រង់ ថ្ងៃទី១៤ ខែកញ្ញា ឆ្នាំ២០១៦នេះ នៅចំណុចមុខផ្ទះគ្មានលេខ ផ្លូវបេតុង ភូមិកណ្តាល សង្កាត់ច្បារអំពៅ២។
មន្ដ្រីនគរបាលខណ្ឌ បានបញ្ជាក់ថាជនសង្ស័យដែលឃាត់ខ្លួនឈ្មោះ ប្រាក់ តួ អាយុ២៥ឆ្នាំ ដកហូតវត្ថុតាងបាន ក្រាមពណ៌សថ្លា៩កញ្ចប់ ទូរស័ព្ទដៃមួយគ្រឿង។
បច្ចុប្បន្ន ជនសង្ស័យ និងវត្ថុតាងត្រូវបានបញ្ជូនទៅអធិការដ្ឋាននគរបាលខណ្ឌ ដើម្បីចាត់ការតាមនីតិវិធីបន្ត៕
