សូមគោរពច្បាប់ចរាចរណ៍! ស្លាប់ម្នាក់ និងរបួស៥នាក់ ក្នុងគ្រោះថ្នាក់ចរាចរណ៍ទូទាំងប្រទេសនៅថ្ងៃម្សិលមិញ

14-09-2016 07:10

(ភ្នំពេញ)៖ នៅថ្ងៃទី១៣ ខែកញ្ញា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៥លើក (យប់១លើក) បណ្តាលឲ្យមនុស្សស្លាប់ម្នាក់ រងរបួសធ្ងន់៥នាក់ នេះបើតាមរបាយការណ៍គ្រោះថ្នាក់ចរាចរណ៍របស់នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈនៃ អគ្គស្នងការ នគរបាលជាតិ។

គ្រោះថ្នាក់ចរាចរណ៍ទាំង៥លើកនេះ បណ្តាលឲ្យខូចខាតយានយន្ត សរុបចំនួន៧គ្រឿង រួមមានម៉ូតូចំនួន៤គ្រឿង រថយន្តធុនតូចចំនួន២គ្រឿង, កង់១គ្រឿង មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍ រួមមានមិនប្រកាន់ស្ដាំ១លើក, បត់គ្រោះថ្នាក់១លើក, ស្រវឹង១លើក, មិនគោរពសិទ្ធិ១លើក, មិនប្រកាន់ស្តាំ២លើក, ប្រជែង១លើក, និងកត្តាយានយន្ដ១លើក ក្នុងនោះអ្នកមិនពាក់សវត្ថិភាពពេលគ្រោះថ្នាក់៥នាក់៕