(ព្រះសីហនុ)៖ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានបញ្ជាក់ប្រាប់ Fresh News ថា ព្រឹកថ្ងៃទី១៣ ខែ​កញ្ញា ឆ្នាំ២០១៦​ នេះអាកាសធាតុលើផ្ទៃសមុទ្រ​ ផ្ទៃមេឃបន្ត អាប់អួរមាន ភ្លៀងស្ទើគ្រប់ទីកន្លែង ខ្យល់ និងទឹករលកបោកបក់ខ្លាំង ដែលអាកាសធាតុបែបនេះ សូមបងប្អូនភ្ញៀវទេសចរ និងប្រជានេសាទ ត្រូវប្រុងប្រយ័ត្នខ្ពស់។

លោកឧត្តមសេនីយ៍ បានបញ្ជាក់យ៉ាងដូច្នេះថា «គិតត្រឹមម៉ោង៩៖២០នាទីព្រឹក ថ្ងៃទី១៣ ខែ​កញ្ញា ឆ្នាំ២០១៦​នេះ អាកាសធាតុលើផ្ទៃសមុទ្រ​ មេឃ អាប់អួរ មានភ្លៀងធ្លាប់ស្ទើគ្រប់កន្លែង ខ្យល់បក់ខាងលើ មកពីទិសខាងលិច និងទឹករលកយោលជាមធ្យមនៅចន្លោះឃ្លង។ ឆ្នេរអូឈើទាលខ្យល់បក់និង ទឹក រលក យោលបែកផ្កាត្រែង»

ក្រសួងធនធានទឹក និងឧតុនិយម បានឲ្យដឹងថា នៅតំបន់មាត់សមុទ្រ ចាប់ពីថ្ងៃទី១៣ ដល់១១៨ ខែកញ្ញា ឆ្នាំ២០១៨ ភ្លៀងនឹងចាប់ផ្តើមធ្លាក់ ជាមួយនឹង បរិមាណកើនឡើង ជាបន្តបន្ទាប់ពិសេស ខេត្តកោះកុង និងខេត្តព្រះសីហនុ។

សូមប្រុងប្រយ័ត្ន៖ តំបន់ឆ្នេរ និងលើផ្ទៃសមុទ្រ មានខ្យល់បក់បោកខ្លាំង រលកសមុទ្រមានកំពស់ខ្ពស់ៗ៕