(ភ្នំពេញ)៖ ភ្លាមៗបន្ទាប់ពីការប្រកាសសាលក្រមរបស់តុលាការក្រុងភ្នំពេញ, ​លោក អ៊ូ ចាន់ឫទ្ធិ មន្រ្តីជាន់ខ្ពស់គណបក្សសង្រ្គោះជាតិ បានប្រកាសនៅឯទីស្នាក់ការ កណ្តាលគណបក្សរបស់ខ្លួនថា ការកាត់ទោសរបស់សាលាដំបូងរាជធានីភ្នំពេញ លើករណីលោក កឹម សុខា គណបក្សសង្រ្គោះជាតិ គ្មានការភ្ញាក់ផ្អើលអ្វីនោះទេ។

ការប្រកាសបែបនេះរបស់លោក អ៊ូ ច័ន្ទប្ញទ្ធិ បានធ្វើឡើងបន្ទាប់ពីនៅវេលាម៉ោងប្រមាណ ២៖១៥នាទីរសៀលថ្ងៃនេះ ចៅក្រម កែវ មុន្នី បានប្រកាសសាលក្រម ដោយផ្តន្ទទោស លោក កឹម សុខា ដាក់ពន្ធនាគារ រយៈពេល៥ខែ និងពិន័យជាប្រាក់ ៨សែនរៀល ពីបទ «បដិសេធក្នុងការចូលខ្លួន» តាមមាត្រា៥៣៨ នៃក្រមព្រហ្មទណ្ឌ បន្ទាប់ពីបានបើកសវនាការជំនុំជម្រះរឿងក្តីលោក កឹម សុខា នៅព្រឹកថ្ងៃទី០៩ ខែកញ្ញានេះ។ ការប្រកាសសាលក្រមនេះ ចាត់ទុកជាចំពោះមុខ។

លោក អ៊ូ ចាន់ឫទ្ធិ បានប្រកាសនៅមុខសកម្មជន និងអ្នកគាំទ្ររបស់ខ្លួនយ៉ាងដូច្នេះថា «៥ខែ ៨០ម៉ឺនរៀល យើងអត់មានការភ្ញាក់ផ្អើលណាបងប្អូន តុលាការបែប ហ្នឹងរំលោភលើអភ័យឯកសិទ្ធិ អ្នកតំណាងរាស្រ្ត»

ឆ្លើយតបនឹងការចោទប្រកាន់របស់លោក អ៊ូ ចាន់ឫទ្ធិ ថា តុលាការបានរំលោភលើ អភ័យឯកសិទ្ធិអ្នកតំណាងរាស្រ្ត ត្រូវបានសម្តេច ហេង សំរិន ប្រធានរដ្ឋសភានៃកម្ពុជា ធ្លាប់បានលើកឡើងថា «ខ្ញុំសូមប្រកាសថា អង្គសភា បានអនុម័តឲ្យសមត្ថកិច្ចបន្តចាត់ការ តាមនីតិវិធីលើករណីឯកឧត្តម កឹម សុខា តំណាងរាស្រ្តមណ្ឌល ខេត្តកំពង់ចាម នាសម័យប្រជុំរដ្ឋសភា លើកទី៦ នីតិកាលទី៥ នៅថ្ងៃច័ន្ទ ទី៣០ ឧសភា ឆ្នាំ២០១៦»

ខាងក្រោមនេះជាប្រសាសន៍របស់សម្តេច ហេង សំរិន ប្រធានរដ្ឋសភា៖