(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ឲ្យដឹងនៅលើ Facebook Pageផ្លូវការរបស់សម្តេចតេជោ នៅថ្ងៃនេះថា កិច្ចប្រជុំកំពូលអាស៊ាន ដែលកំពុងតែរៀបចំធ្វើនៅ ប្រទេសឡាវ នឹងបញ្ចប់ នៅរសៀលថ្ងៃទី០៨ ខែកញ្ញា ឆ្នាំ២០១៦នេះ ហើយ ក្រោយពីបញ្ចប់សម្តេចតេជោ ហ៊ុន សែន និងគណៈប្រតិភូកម្ពុជា នឹងវិលត្រឡប់ទៅកម្ពុជាវិញ នៅល្ងាចថ្ងៃ ដដែលនេះ ផងដែរ។

យោងតាម Facebook Page ផ្លូវការសម្តេចតេជោ ហ៊ុន សែន បានបញ្ជាក់ឲ្យដឹងថា «ការប្រជុំបានបន្ត ហើយនិងឈានទៅបញ្ចប់ នៅរសៀលថ្ងៃនេះ។ ខ្ញុំនិងគណៈប្រតិភូកម្ពុជា នឹងវិលត្រឡប់ទៅ កម្ពុជាវិញនៅល្ងាចនេះ»។

គួរបញ្ជាក់ថា សម្តេចតេជោ ហ៊ុន សែន និងគណៈប្រតិភូមួយចំនួនទៀត បានធ្វើដំណើរ ទៅចូលរួមកិច្ចប្រជុំកំពូលអាស៊ាន និងការប្រជុំកំពូលពាក់ព័ន្ធ ផ្សេងទៀត នៅប្រទេសឡាវ កាលពីថ្ងៃទី០៥ ខែកញ្ញា ឆ្នាំ២០១៦។ កិច្ចប្រជុំកំពូលអាស៊ាន និងការប្រជុំកំពូល ពាក់ព័ន្ធផ្សេងទៀត នៅប្រទេសឡាវ នាពេលនេះ រយៈពេល៣ថ្ងៃ ដោយចាប់ផ្តើមពីថ្ងៃទី៦ ដល់ ថ្ងៃទី៨ ខែ កញ្ញា ឆ្នាំ២០១៦ដោយ មានជាង ១០ អង្គប្រជុំ នៃថ្នាក់ប្រមុខរដ្ឋប្រមុខរដ្ឋាភិបាល បន្ទាប់ពីការប្រជុំរាប់សិបលើក នៃថ្នាក់ឧត្តមមន្ត្រី និងថ្នាក់រដ្ឋមន្ត្រី នឹងត្រូវយកមកអនុម័ត នៅក្នុងអង្គប្រជុំនេះ ៕