(ភ្នំពេញ)៖ នៅក្នុងការបោះឆ្នោតជ្រើសរើសប្រធានព្រឹទ្ធសភា កាលបីថ្ងៃទី០៣ ខែមេសា ឆ្នាំ២០២៤ កន្លងទៅនេះ សម្តេចតេជោ ហ៊ុន សែន ទទួលបានសំឡេងគាំទ្រជាឯកច្ឆន្ទ ១០០ភាគរយតែម្តង ពោលគឺ៦២លើ៦២សំឡេង ទោះបីជា អាណត្តិនេះ មានសមាជិក៣រូប មកពីគណបក្សប្រឆាំងក៏ដោយ។

នៅក្នុងកិច្ចពិភាក្សា ​Fresh Talk លើប្រធានបទ៖ «ស្ថានភាពនយោបាយកម្ពុជាប្រែប្រួលដូចម្តេច ក្រោយសម្តេចតេជោ ហ៊ុន សែន កាន់តំណែងប្រធានព្រឹទ្ធសភា?» នាសប្តាហ៍មុននេះ លោក សុខ ឥសាន អ្នកនាំពាក្យគណបក្សប្រជាជនកម្ពុជា និងជាសមាជិកព្រឹទ្ធសភា បានអះអាងថា ការបោះឆ្នោតគាំទ្រដោយសមាជិកព្រឹទ្ធទាំងអស់ បូករួមទាំងសមាជិកមកពីបក្សប្រឆាំង៣រូបផងនោះ គឺជាឆន្ទៈរបស់អង្គបោះឆ្នោតទាំងអស់ ដែលពេញចិត្តចំពោះសម្តេចតេជោ ហ៊ុន សែន កាន់តំណែងប្រធានព្រឹទ្ធសភា ដែលនេះជាសច្ចធម៌ប្រវត្តិសាស្ត្រ។

សូមទស្សនា និងស្តាប់ ការលើកឡើងរបស់ លោក សុខ ឥសាន ដូចតទៅ៖