(ភ្នំពេញ)៖ លោក សាន សាង ជាថ្នាក់ដឹកនាំមួយរូបរបស់អតីតគណបក្ស សម រង្ស៉ី រហូត​ដល់​អតីតគណបក្សសង្គ្រោះជាតិ។ លោក សាន សាង អ្នកនយោបាយមានដើមកំណើតមក​ពីខេត្ត​ព្រះ​ត្រពាំងខ្មែរកម្ពុជាក្រោម បានចូលរួមប្រឡូកនយោបាយជាមួយលោក សម រង្ស៉ី តាំងពី​ឆ្នាំ​១៩៩៨។

ក្រោយពីអតីតគណបក្សសង្គ្រោះជាតិ ត្រូវបានរំលាយដោយអំណាចតុលាការកាលពីឆ្នាំ​២០​១៧ លោក សាន សាង ក៏ក្លាយជាអ្នកនយោបាយមួយរូប ក្នុងចំណោម១១៨រូប ដែលត្រូវ​ហាម​ឃាត់ធ្វើសកម្មភាពនយោ​បាយអស់រយៈពេល៥ឆ្នាំផងដែរ។

ក្រោយពីនៅជាមួយបក្សប្រឆាំងជាង២០ឆ្នាំ នៅដើមឆ្នាំ២០២៤នេះ លោក សាន សាង បាន​សម្រេចប្តូរជីវភាពនយោបាយមករួមរស់ជាមួយគណបក្សប្រជាជនកម្ពុជា ដែលជាគណបក្ស​កំពុងដឹកនាំប្រទេសវិញ។

តើមានមូលហេតុ និងដើមចមបែបណានាំឱ្យអតីតអ្នកនយោបាយប្រឆាំងរូបនេះ សម្រេច​ចិត្ត​មករួមរស់ជាមួយគណបក្សប្រជាជនកម្ពុជា? តើដំណើរជីវិតនយោបាយរបស់បក្សប្រឆាំង ជា​ពិសេសលោក សម រង្ស៉ី នឹងទៅជាយ៉ាងណា?

តាមរយៈវេទិកានៃកិច្ចសម្ភាសន៍របស់ Fresh News លោក សាន សាង បានឆ្លើយបំភ្លឺ និងលើកបើកកកាយរឿងរ៉ាវទាំងឡាយតបនឹងសំណួរខាងលើនេះ។ ក្នុងបទសម្ភាសន៍នេះ លោក សាន សាង បានលើកបង្ហាញពីជីវិតនយោបាយផ្ទាល់ខ្លួនរបស់លោក និងលោក សម រង្ស៉ី មួយចំនួនផងដែរ។

សូមទស្សនាវីដេអូនៃបទសម្ភាសន៍មានខ្លឹមសារទាំងស្រុងដូចខាងក្រោម៖