(ភ្នំពេញ)៖ ឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញថ្លែងសុន្ទរកថា នៅក្នុងកិច្ចប្រជុំកម្រិតខ្ពស់នៃសម័យប្រជុំលើកទី៥៥ របស់ក្រុមប្រឹក្សាសិទ្ធិមនុស្សអង្គការសហប្រជាជាតិ នៅទីក្រុងហ្សឺណែវ នៅថ្ងៃទី២៦ ខែកុម្ភៈ ឆ្នាំ២០២៤។

សេចក្តីប្រកាសព័ត៌មាន ដែលបណ្តាញព័ត៌មាន Fresh News ទទួលបាននៅថ្ងៃទី២៩ ខែកុម្ភៈ ឆ្នាំ២០២៤ បញ្ជាក់ថា ឥស្សរជនជាន់ខ្ពស់ជាង ១០០រូប មកពីបណ្តាប្រទេស និងអង្គការអន្តរជាតិជាច្រើន បានចូលរួមក្នុងកិច្ចពិភាក្សាប្រចាំឆ្នាំរួមទាំងប្រទេសសមាជិកអាស៊ានចំនួន ៧ រួមមាន កម្ពុជា ឥណ្ឌូនេស៊ី ឡាវ ម៉ាឡេស៊ី ហ្វីលីពីន ថៃ និងវៀតណាម។

កិច្ចប្រជុំកម្រិតខ្ពស់ផ្តល់នូវវេទិកាសម្រាប់រដ្ឋាភិបាល ឬ តំណាងរដ្ឋលើកឡើងពីកិច្ចការអាទិភាព សមិទ្ធផល និងការប្តេជ្ញាចិត្តដើម្បីដោះស្រាយបញ្ហាប្រឈមសិទ្ធិមនុស្ស។

សម័យប្រជុំក្រុមប្រឹក្សាសិទ្ធិមនុស្សលើកទី៥៥ ប្រព្រឹត្តទៅពីថ្ងៃទី២៦ ខែកុម្ភៈ ដល់ថ្ងៃទី០៥ ខែមេសា ឆ្នាំ២០២៤៕