(ភ្នំពេញ)៖ ដោយអនុវត្តតាមបទបញ្ជាដឹកនាំពីឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ នៅថ្ងៃទី២៥ និងថ្ងៃទី២៦ ខែមករា ឆ្នាំ២០២៤ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ សហការជាមួយសមត្ថកិច្ចអធិការដ្ឋាននគរបាលខណ្ឌកំបូល ស្រាវជ្រាវឃាត់ខ្លួនជនសង្ស័យជាបន្តបន្ទាប់ចំនួន០៥នាក់ ពាក់ព័ន្ធករណី លួច និងប្លន់ទ្រព្យសម្បត្តិប្រជាពលរដ្ឋ ក្នុងរាជធានីភ្នំពេញ​ ចំនួន០៣ករណី។

យោងតាមរបាយការណ៍របស់ស្នងការដ្ឋាននគរបាលរាជធានីភ្នំពេញ បានបញ្ជាក់ថា ករណីទី១៖ លួចយកម៉ូតូ ប្រព្រឹត្តនៅចំណុចបន្ទប់ជួលលេខ២ជាន់ផ្ទាល់ដី ភូមិត្រពាំងថ្លឹង២ សង្កាត់ចោមចៅ១ ខណ្ឌពោធិ៍សែនជ័យ កាលពីថ្ងៃទី២៥ ខែមករា ឆ្នាំ២០២៣។ សម្ភារបាត់បង់៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ ពាក់ផ្លាកលេខភ្នំពេញ១JP-៣២៩០។

ករណីទី២៖ ប្លន់យកម៉ូតូ ប្រព្រឹត្តនៅចំណុចផ្លូវបេតុងលេខ៤២ ភូមិជ័យជំនះ សង្កាត់ឪឡោក ខណ្ឌកំបូល កាលពីថ្ងៃទី០១ ខែមករា ឆ្នាំ២០២៤។ សម្ភារបាត់បង់៖ ម៉ូតូម៉ាកហុងដាស្កុបពី ពណ៌ ខៀវ សេរីឆ្នាំ២០២១ ពាក់ផ្លាកលេខភ្នំពេញ១JB-០៣៣១ និងទូរសព្ទ័ដៃម៉ាកអុបប៉ូ ពណ៌ ខ្មៅ ចំនួន០១គ្រឿង។

ករណីទី៣៖ លួចយកម៉ូតូ ប្រព្រឹត្តនៅចំណុចផ្ទះជួល ផ្លូវបេតុង ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ កាលពីថ្ងៃទី១២ ខែមករា ឆ្នាំ២០២៤។ សម្ភារបាត់បង់៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២០ ពាក់ផ្លាកលេខតាកែវ១X-៥៧៦៦។

ជនសង្ស័យចំនួន០៥នាក់៖
១-ឈ្មោះ ជុំ ពិសី មុខរបរមិនពិតប្រាកដ ផ្ទះគ្មានលេខ ផ្លូវលំ ភូមិចំបក់កោង ឃុំទួលព្រិច ស្រុកអង្គស្នួល ខេត្តកណ្តាល។ ឃាត់ខ្លួនថ្ងៃទី២៥ ខែមករា ឆ្នាំ២០២៤ នៅចំណុចភូមិស្នោកើត សង្កាត់ស្នោ ខណ្ឌកំបូល។
២-ឈ្មោះ សុង ពិសិដ្ឋ ហៅ ស្វា មុខរបរ ដឹកអីវ៉ាន់អនឡាញ មានទីលំនៅផ្ទះជួល ផ្លូវបេតុង ភូមិច្រេស សង្កាត់ភ្នំពេញថ្មី ខណ្ឌសែនសុខ។ ឃាត់ខ្លួនថ្ងៃទី២៥ ខែមករា ឆ្នាំ២០២៤ នៅចំណុចភូមិស្នោកើត សង្កាត់ស្នោ ខណ្ឌកំបូល។
៣-ឈ្មោះ ស ច័ន្ទកក្កដា ហៅ ដូច មុខរបរមិនពិតប្រាកដ ផ្ទះគ្មានលេខ ផ្លូវលំ ភូមិចំបក់កោង សង្កាត់កាកាប១ ខណ្ឌពោធិ៍សែនជ័យ។ ឃាត់ខ្លួនថ្ងៃទី២៦ ខែមករា ឆ្នាំ២០២៤ នៅចំណុចស្ថានីយ៍ប្រេងសូគីម៉ិច ផ្លូវព្រះមុន្នីវង្ស សង្កាត់ចាក់អង្រែលើ ខណ្ឌមាជ័យ ។
៤-ឈ្មោះ អ៊ឹម សៀវឡុង មុខរបរ មិនពិតប្រាកដ មានទីលំនៅផ្ទះគ្មានលេខ ផ្លូវលំ ភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្តាល។ ឃាត់ខ្លួនថ្ងៃទី២៦ ខែមករា ឆ្នាំ២០២៤ នៅចំណុចសាលាបុណ្យភូមិបុរីកម្មករ ឃុំបែកចាន ស្រុកអង្គស្នួល ខេត្តកណ្តាល។
៥-ឈ្មោះ កែវ លីនដា ភេទស្រី​ មុខរបរនៅផ្ទះ មានទីលំនៅបន្ទប់ជួលផ្ទះគ្មានលេខ ផ្លូវលេខ១០៩ ភូមិសាមគ្គី៣ សងា្កត់ត្រពាំងក្រសាំង ខណ្ឌពោធិ៍សែនជ័យ។ ឃាត់ខ្លួនថ្ងៃទី២៦ ខែមករា ឆ្នាំ២០២៤ នៅចំណុចបន្ទប់ជួលផ្ទះគ្មានលេខ ផ្លូវលេខ១០៩ ភូមិសាមគ្គី៣ សង្កាត់ត្រពាំងក្រសាំង ខណ្ឌពោធិ៍សែនជ័យ។

វត្ថុតាងចាប់យក៖ ម៉ូតូម៉ាកហុងដាសេ១២៥ ពណ៌ ខ្មៅ សេរីឆ្នាំ២០២២ គ្មានផ្លាកលេខ (ម៉ូតូរបស់ជនរងគ្រោះឈ្មោះអាត ត្រី ហៅ មុស តវ៉ាអាត្រី), ផ្លាកលេខម៉ូតូ ភ្នំពេញ ១JP-៣២៩០ ចំនួន ០១ បន្ទះ (ផ្លាកលេខម៉ូតូរបស់ជនរងគ្រោះឈ្មោះអាត ត្រី ហៅ មុស តវ៉ាអាត្រី), កន្ត្រៃកាត់ដែក ចំនួន០១, ដង្កាប់ ចំនួន០១។

បច្ចុប្បន្នជនសង្ស័យ រួមនិងវត្ថុតាង កម្លាំងការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕