(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី ២៤ ខែសីហា ២០១៦ គិតត្រឹមម៉ោង១៦រសៀល របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ នគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស២៤នាក់ ក្នុងនោះមុខសញ្ញាជួញដូរ១៥នាក់ និងមុខសញ្ញាប្រើប្រាស់៩នាក់ ដកហូតមេតំហ្វេតាមីន (ice) ១៥.២ក្រាម, ១កញ្ចប់ធំ និង២កញ្ចប់តូច មេតំហ្វេតាមីន(wy) ២.៦៦ក្រាម និង១គ្រាប់កន្លះ។
ជនសង្ស័យទាំងនោះត្រូវបានឃាត់ខ្លួនដោយ៖ នគរបាលខេត្តកណ្ដាល បង្ក្រា១ករណីឃាត់ខ្លួនម្នាក់, ខេត្តបាត់ដំបង បង្ក្រាប៤ករណីឃាត់ខ្លួន៥នាក់, ខេត្តប៉ៃលិន បង្ក្រាប១ករណីឃាត់ខ្លួន៣នាក់, ខេត្តព្រះសីហនុ បង្ក្រាប១ករណីឃាត់ខ្លួន២នាក់, ខេត្តរតនគីរី បង្ក្រាប១ករណីឃាត់ខ្លួនម្នាក់ និងខេត្តស្វាយរៀង បង្ក្រាប១ករណីឃាត់ខ្លួន១៣នាក់៕
