(ភ្នំពេញ)៖ កម្លាំងចម្រុះនៃអធិការដ្ឋាននគរបាលខណ្ឌសែនសុខ សហការជាមួយកម្លាំងប៉ុស្ដិ៍ទឹកថ្លា នៅយប់ឈានចូលថ្ងៃទី២៤ ខែសីហា ឆ្នាំ២០១៦នេះ បានឃាត់ខ្លូនជនសង្ស័យ១៤នាក់ ដែលពាក់ព័ន្ធករណីគ្រឿងញៀន និងដកហូតបានថ្នាំមួយចំនួនផងដែរ។
លោក ម៉ក់ ហុង អធិការនគរបាលខណ្ឌសែនសុខ បានបញ្ជាក់ថា មុនពេលឃាត់ដល់ការឃាត់ខ្លូន កម្លាំងចម្រុះបានចុះធ្វើការត្រួតពិនិត្យតំបន់សង្ស័យ ពាក់ព័ន្ធនឹងគ្រឿងញៀន នៅក្រុមទី១០-១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ហើយក៏បានឃាត់ខ្លូនជនសង្ស័យ១៤នាក់ និងថ្នាំមួយចំនួន ផងដែរ។
ក្រោយពីឃាត់ខ្លួនជនសង្ស័យត្រូវបាននាំទៅការសាកសួរ និងរងចាំកម្លាំងជំនាញធ្វើតេស្ត ស្វែងរកសារធាតុញៀន និងចាត់ការបន្ដ៕
