(ភ្នំពេញ)៖ នៅថ្ងៃទី២៥ ខែធ្នូ ឆ្នាំ២០២៣នេះ មានការបែកធ្លាយសំឡេងរបស់ លោក ទាវ វណ្ណុល ប្រធានគណបក្សភ្លើងទៀន ដែលបង្ហាញការសោកស្តាយ និងខកចិត្តចំពោះ ថ្នាក់ដឹកនាំគណបក្សកម្លាំងជាតិ ដែលមិនព្រមចូលរួមជាមួយសម្ព័ន្ធភាពរបស់ខ្លួន។
តាមរយៈសំឡេងបែកធ្លាយនេះ លោក ទាវ វណ្ណុល បានរិះគន់ថា កន្លងទៅ គណបក្សភ្លើងទៀន បានហៅគណបក្សកម្លាំងជាតិ ឱ្យមកចូលសម្ព័ន្ធ ហើយគាត់មិនមកចូលសម្ព័ន្ធ ដោយលើកឡើងថា សម្ព័ន្ធនេះរយញ៉េរញ៉ៃណាស់ មិនអាចសម្រេចកិច្ចការកើត។
លោកបញ្ជាក់ដូច្នេះថា៖ «យើងមានការសោកស្តាយ ដែលយើងបានឱ្យគាត់ទៅបង្កើត ហើយបែរជាគាត់ថា សម្ព័ន្ធមិនអាចធ្វើការកើត មានភាពរញ៉េរញ៉ៃ នេះគឺជាលេស ហើយក៏ជាមហិច្ឆតារបស់ថ្នាក់ដឹកនាំគណបក្សកម្លាំងជាតិ»។
លោកបានលើកឡើងថា ការសម្រេចមិនចូលរួមបែបនេះ គឺខុសអំពីលក្ខខណ្ឌនៃការបង្កើតគណបក្សកម្លាំងជាតិ ដែលបានកំណត់ថា នៅពេលដែលគណបក្សកម្លាំងជាតិត្រូវបានបង្កើតជាផ្លូវការបានហើយ គឺត្រូវឱ្យគណបក្សភ្លើងទៀន ចូលទៅគ្រប់គ្រង៕
សូមស្តាប់សំឡេងរបស់ លោក ទាវ វណ្ណុល ដូចតទៅ៖
