(ត្បូងឃ្មុំ)៖ លោក យ៉ាន យាត អនុប្រធានក្រុមប្រុសស្មោះទី១ តំណាងលោក ឈុំ ធារ៉ា ប្រធានក្រុម នាថ្ងៃទី២៣ ខែធ្នូ ឆ្នាំ២០២៣ បាននាំសម្ភារសិក្សាចែកដល់សិស្សានុសិស្សនៅសាលាបឋមសិក្សា ហ៊ុន សែន កូនត្មាត ស្ថិតនៅក្នុងភូមិកូនត្មាត ឃុំអញ្ចើម ស្រុកត្បូងឃ្មុំ ខេត្តត្បូងឃ្មុំ និងមានការចូលរួមសមាជិកធីមប្រុសស្មោះ គណៈគ្រប់គ្រង នាយកសាលា លោកគ្រូ អ្នកគ្រូជាច្រើនអ្នកផងដែរ និងសិស្សានុសិស្សចំនួន៣៨០នាក់។
លោក យ៉ាន យាត បានសំណេះសំណាលជាមួយលោកគ្រូ អ្នកគ្រូ និងសិស្សានុសិស្ស សូមចូលរួមទាំងអស់គ្នា ជៀសឆ្ងាយពីគ្រឿងញៀន ជាពិសេសសិស្សានុសិស្សជាទំពាំងស្នងឫស្សី ត្រូវខិតខំប្រឹងប្រែងរៀនសូត្រ ដើម្បីអនាគតខ្លួនឯង គ្រួសារ និងសង្គមជាតិនៅថ្ងៃខាងមុខ។
អំណោចដែលចែកដល់សិស្សានុសិស្សមានចំនួន៣៨០នាក់ ក្នុងម្នាក់ៗទទួលបាន៖ សៀវភៅ២ក្បាល ប៊ិច១ដើម ខ្មៅដៃ១ និងជូនថវិកាលោកគ្រូ អ្នកគ្រូ ក្នុងម្នាក់ៗ ២០០០០រៀលផងដែរ។
លោក យ៉ាន យាត បានថ្លែងអំណរអរគុណចំពោះសប្បុរសជនទាំងអស់គ្រប់ទិសទីដែលបានចូលរួមថវិកា និងសម្ភារសិក្សាដែលបានចូលរួមជួយឧបត្ថម្ភសម្ភារសិក្សាសម្រាប់ចែកជូនដល់សិស្សានុសិស្ស លោកគ្រូ អ្នកគ្រូ៕
