(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី ២៣ សីហា ២០១៦ គិតត្រឹមម៉ោង១៦រសៀល របស់អគ្គស្នងការនគរបាលជាតិ បានឲ្យដឹងថា នៅថ្ងៃម្សិលមិញ នគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៩ករណី ឃាត់មនុស្ស១៤នាក់ ក្នុងនោះមុខសញ្ញាជួញដូរ១១នាក់ និងមុខសញ្ញាប្រើប្រាស់៣នាក់ ដកហូតមេតំហ្វេតាមីន (ice) ៥.៨៧ក្រាម និង ១០កញ្ចប់តូច និង មេតំហ្វេតាមីន (wy) ៣គ្រាប់ ថ្នាំគ្រាប់៣៤គ្រាប់។
ជនសង្ស័យទាំងនោះត្រូវបានឃាត់ខ្លួនដោយ៖ នគរបាលភ្នំពេញ បង្ក្រា២ករណីឃាត់ខ្លួន២នាក់, កណ្ដាល បង្ក្រាប១ករណី (ដីកា) ឃាត់ខ្លួនម្នាក់,បន្ទាយមានជ័យ បង្ក្រាប២ករណីឃាត់ខ្លួន៥នាក់, ព្រះសីហនុ បង្ក្រាប១ករណីឃាត់ខ្លួនម្នាក់, រតនគីរី បង្ក្រាប១ករណីឃាត់ខ្លួនម្នាក់, កំពង់ស្ពឺបង្ក្រាប១ករណីឃាត់ខ្លួន៣នាក់ និងព្រះវិហារ បង្ក្រា១ករណីឃាត់ខ្លួនម្នាក់៕
